Хәырхәмалԥҳа: акәасқьатәи ашкол аушьҭымҭацәа рыхәылԥаз Аҟәа иазгәарҭарц рҭахуп
"Ашкол аҿы сынтәа рҵара хдыркәшоит 9-ҩык. Аԥсны ашколқәа зегьы реиԥш аҵыхәтәантәи аҵәҵәабжьы мҩаԥаагеит, иара иалахәын араион аҵараҟәша ахаҭарнакцәа. Ҳаушьҭымҭацәа рҟынтә аӡәы ААУ аҿы имҩаԥысуаз аолимпида иабзоураны аҵараиурҭа дахьыԥхьаӡалан. Хҩык уахь аҭаларазы аԥышәарақәа рҽазыҟарҵоит. Ахәыҷқәа ргәы иҭоуп рыхәылԥаз Аҟәа имҩаԥыргарц. Амшын аԥшәаҳәаҿы ишаԥу еиԥш афотоҭыхымҭақәа ҟаҵаны, аҭаацәеи арҵаҩцәеи дара ааушьҭымҭацәеи иаадтәалар рҭахуп. Аҟәа ахәылԥаз аиҿкаара ахәыҷқәа рхала ирыӡбаз усуп, уи амш ирхәамышҭуа иаанхарц рҭахуп". – ҳәа азгәалҭеит Хәырхәмал.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
