Микрофон  - Sputnik Аҧсны
Арадио

Цәышба: ишабаны иҟоу адгьылқәа рызхара ақәа леиуеит, амхқәа уцәаӷәартә иҟалоит

© Sputnik / Томас ТхайцукАмир Цушба
Амир Цушба - Sputnik Аҧсны
Анапаҵаҩра
Аԥсны Аҳәынҭқарра аекологиеи аԥсабарахьчареи рзы аҳәынҭқарратә еилакы аҳауеи аӡқәеи ргәаҭара аҟәша аиҳабы Амир Цәышба арадио Sputnik аефир аҿы еиҭеиҳәеит иааиуа амчыбжь азы амш аҭагылазаашьа зеиԥшрахо атәы.
Цәышба: ишабаны иҟоу адгьылқәа рызхара ақәа роуеит, амхқәагьы уцәаӷәартә иҟалоит

"Ҳазҭалаз амчыбжь азы амш ҭышәынтәалаӡам, аха амчыбжь актәи азбжазы амш бзиахоит. Зны-зынла аԥҭақәа хылалоит, иналыршә-аалыршәныгьы ақәа леилоит адыдмацәыс ацны. Амчыбжь аҩбатәи азбжа инаркны амш аҽеиҭанакуеит, ақәа, ақәаршҩы адыдмацәыс ацны илеиуеит. Ҭыԥқәак рҿы аԥшасра секундк ала 10-15 метра аӷәӷәахар алшоит, 5-7 рҟынӡа аҳауаԥхарра еиҵахоит", - ҳәа азгәеиҭеит Цәышба.

Аԥсны Аҳәынҭқарра аекологиеи аԥсабарахьчареи рзы аҳәынҭқарратә еилакы аҳауеи аӡқәеи ргәаҭара аҟәша аиҳабы иажәақәа рыла иаарласны анхацәа рымхқәа ацәаӷәаразы аҭагылазаашьа роуеит.

"Ҳазҭагыло аамҭазы адгьылқәа ҩҩаны иҟоуп, ишабаны, ақәа рмоуижьҭеи акрааҵуеит, анхацәа рымхқәа рзыцәаӷәаӡом, ақәа инеиԥынкыланы ианлеиуа ҳәа иазыԥшуп. Абыржәы иаҳзааиуа амшқәа рзы иахәҭоу ақәа леиуеит ҳәа сгәы иаанагоит, ашьҭахь амш еилгоит ауаа рымхқәа рцәаӷәаратәы иҟалоит", – ҳәа иҳәеит Цәышба.

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.  

Ажәабжьқәа зегьы
0