Қапԥҳа: Виктор Абрамиан-Ешба иконцерт раԥхьатәиуп афилармониа азал маҷ аҿы имҩаԥааго

"Аԥснытәи аҳәынҭқарратә филармониа азал маҷ аҿы асааҭ хәба рзы имҩаԥысуеит ари азал аҿы раԥхьаӡа акәны имҩаԥаагаран иҟоу аконцерт. Иара далахәхоит еицырдыруа амузыкант, аскрипкарҳәаҩы Виктор Абрамиан-Ешба. Уи Чаиковскии ихьӡ зху Москватәи аҳәынҭқарратә консерваториа иаҵанакуа амузыкатә школ аҿы рҵаҩыс дыҟоуп. Аԥсныҟа иаауеит иара иҵаҩцәа - еиуеиԥшым аконкурсқәа рлауреатцәа, реиҳараҩык аскрипкарҳәаҩцәа. Ҳара ҳганахьала аконцерт иалахәхоит Аԥснытәи аҳәынҭқарратә камертә оркестр, убасгьы ҳмузыкантцәа қәыԥшцәа", - еиҭалҳәеит Қапԥҳа.    

Инеиҵыху аиҿцәажәара шәазыӡырҩы арадио Sputnik Аԥсны аефир аҿы.