Афестиваль SUKHUM AQUAJAZZ 2019 аиҿкааҩцәа апрограмма иалацәажәеит

CC0 / / Джаз
Джаз - Sputnik Аҧсны
Анапаҵаҩра
Аԥшьбатәи жәларбжьаратәи аџьазтә фестиваль SUKHUM AQUAJAZZ- 2019 амҩаԥысра иазкыз апресс- конференциа мҩаԥысит Sputnik аҿы ԥхынгәы 2 рзы.

АҞӘА, ԥхынгәы 2 – Sputnik, Асмаҭ Ҵәыџьԥҳа. Аџьазтә стандартқәеи автортә музыкеи рыдгалахоит аҭааҩцәа афестиваль SUKHUM AQUAJAZZ 2019 аҟны Аԥснытәи афилармониаҿы ԥхынгәы 3- 5 рзы ҳәа Sputnik иазеиҭалҳәеит афилармониа асахьаркыратә напхгаҩы Есма Џьениаԥҳа.

Арифа Капба - Sputnik Аҧсны
Арадио
Арифа Қапԥҳа аџьазтә фестиваль иазкны: аџьаз бзиа изымбогьы дыхнахыртә иҟалоит

"Ԥшьышықәса ирықәуп аџьазтә фестиваль мҩаԥаагоижьҭеи. Есышықәса апрограмма ҿыцқәа, анагӡаҩҩцәа ҿыцқәа аабоит", - лҳәеит лара.

Афестиваль аԥхьатәи амш азы иқәгылоит дикси-квинтет Liberty (Приднестровье). Аквинтет анапхгаҩы Дмитри Шеремет иҳәеит дара аԥхьатәи ашықәс азгьы афестиваль рхы аладырхәыр шырҭахыз.

"Сара акрааҵуан арахь аара сҭахижьҭеи. Уаанӡатәи ашықәсқәа рзы афестиваль алахәылацәа рыҩаӡара ҳаднаԥхьалон. Ҳара ҳапрограмма шьақәгылоуп Приднестровие акультура атәы еиҭазҳәар зылшо аџьазтә стандартқәеи диксиленд блиузи рыла", - иҳәеит иара.

Аџьазмен Алексеи Самарин иакәзар хәынтәуп Аԥсныҟа даауеижьҭеит ашәаҳәаҩ Валериа Гехнери иареи афестиваль аҩбатәи амш аҽны аџьазтә стандартқәеи автортә музыкеи ахәаԥшыҩцәа ирыдыргалоит.

"Раԥхьаӡа акәны 2017 шықәса рзы афестиваль салахәхеит. Аха усҟан ахәаԥшыҩцәа срылатәан. Анаҩс, Есмеи сареи ҳанеибадыр ашьҭахь артистк иҳасаб ала саарыԥхьеит", - иҳәеит иара.

Аквинтет Liberty акларнет, атруба, атрамбона, атуба, абанджо рхы иадырхәоит. Абенд Алексеи Самарин иҳәоит ахәаԥшҩы итрадициатәым аџьаз ала диршанхарц шигәиҭо.

"Афальклор, аџьаз, афанк еилаҳаӡҩоит. Ажәакала–фиужн", - иҳәеит амузыкант.

Аԥшьбатәи жәларбжьаратәи афестиваль SUKHUM AQUAJAZZ 2019 иалахәхоит Урыстәыла, Приднестровие рҟынтәи аџьазтә коллективқәа.

Аџьазтә фестиваль - Sputnik Аҧсны
Аҟәа жәларбжьаратәи аџьазтә фестиваль аатра иазыԥшуп

Афестиваль аартра аламҭалаз ахәаԥшыҩцәа рҿаԥхьа иқәгылоит аквинтет "Liberty" (Приднестровие - Молдавиатәи ареспублика).

Афестиваль аҩбатәи амш ааиртуеит урыстәылатәи артист Алексеи Самарин, авокалистка, ашоу "Голос" алахәыла Валериа Гехнер, аԥсуа музыкант Денис Ҳагба.

Аԥшьбатәи жәларбжьаратәи афестиваль SUKHUM AQUAJAZZ 2019 аартхоит Аҳәынҭқарратә филармониаҿ ԥхынгәы 3, 5 рзы. Афестиваль рхы аладырхәхьан: ашәаҳәаҩ Рональд Беикер (ЕАА), Алексеи Черемизов итрио (Урыстәыла), Армен Мерабов итрио, аблиуз гәыԥ "Red Rocks", агитарарҳәаҩ Алексеи Кузнецов.

 

Ажәабжьқәа зегьы
0