Ашәба Таиф Аџьба ихьӡ зху апремиазы: аҿҳәара аамҭа иалагӡаны ҩусумҭак роуп иҳауз
"Хымз ирылагӡаны ҳара акьыԥхь, ателехәаԥшрахьы, арадио ахь адырра ҟаҳҵеит, аҿҳәара нҵәеит, ари аамҭа иалагӡаны ҳара ҳахь иааит ҩ-усумҭак. Аӡәы - Валентин Коӷониа, егьы - Геннади Аламиеи русумҭақәа. Даҽа хымз ирылагӡаны ахцәажәарақәа мҩаԥысроуп, убарҭ рнаҩс ауп акомиссиа абжьыҭара анымҩаԥысуа. Макьана ҩ-жанрк ауп иҟоу, ахԥатәи – адраматургиа, иара уи ажанр азы аԥсыҽрақәа ыҟоуп асахьаркыратә литератураҿгьы, адраматә ҩымҭак акомиссиахь имааит. Аусумҭақәа иага имаҷзаргьы акомиссиа уи ахәшьара арҭоит, асахьаркыратә гьама ахьынӡаҳараку иалацәажәоит, ахәыҷқәа иахьынӡарнаало гәарҭоит", – ҳәа азгәеиҭеит Ашәба.
Инеиҵыху аиҿцәажәара шәазыӡырҩы арадио Sputnik Аԥсны аефир аҿы.
