Аслан Бжьаниа алхрақәа дрылахәхаӡом

© Sputnik / Томас Тхайцук Азеиԥшмилаҭтә еиҿкаара аԥхьагыла Аслан Бжьаниа
 Азеиԥшмилаҭтә еиҿкаара аԥхьагыла Аслан Бжьаниа  - Sputnik Аҧсны
Анапаҵаҩра
НовостиTelegram
Аԥсны аҳәынҭқарра ахьчаразы Азеиԥшмилаҭтә еиҿкаара абрифинг мҩаԥысит амҽыша, ԥхынгәы 14 рзы.

АҞӘА, ԥхынгәы 15 - Sputnik, Бадраҟ Аҩӡба. Аԥсны аҳәынҭқарра ахьчаразы Азеиԥшмилаҭтә еиҿкаара аԥхьагыла Аслан Бжьаниа ареспубликаҿы имҩаԥысраны иҟоу атәыла ахада иалхрақәа дрылахәхом. Абри атәы Аԥсны аҳәынҭқарра ахьчаразы Азеиԥшмилаҭтә еиҿкаара алахәылацәа абрифинг аҿы ирҳәеит.

алхрақәа - Sputnik Аҧсны
Аԥсны атәыла ахада иалхрақәа: аҽазыҟаҵарақәеи, аԥсахрақәеи

Аԥсны аҳәынҭқарра ахьчаразы Азеиԥшмилаҭтә еиҿкаара аштаб аиҳабы Ҭеимураз Хышба Аслан Бжьаниа иаашьҭымҭа даԥхьеит. Аашьҭымҭаҿы иаҳәоит Аслан Бжьаниа игәабзиара аиҭашьақәыргылара аамҭа аҭаххар шалшо. Убри инадҳәаланы иара аӡбра идикылеит атәыла ахадак иҳасаб ала икандидатура ықәимыргыларц.

Бжьаниа ареспублика аполитикатә ԥсҭазаара аҽалархәра игәиҭоуп игәабзиара шааиӷьхалак. Иааԥхьараҟны аҳәара ҟаиҵоит аполитикатә партиа "Амцахара" ахантәаҩы Алхас Кәыҵниа адгылара ирҭарц.

Ҭеимураз Хышба иазгәеиҭеит Аԥсны аҳәынҭқарра ахьчаразы Азеиԥшмилаҭтә еиҿкаара Алхас Кәыҵниа (ахада ихаҭыԥуаҩ Апарламент адепутат Дмитри Дбар) икандидатура ишадгыло.

Аслан Бжьаниа Москва ахәышәтәырҭа дҭашәеит мшаԥы  18 рзы.

Ажәабжьқәа зегьы
0