АҞӘА, ԥхынгәы 17 - Sputnik. Аҭаҭынахара акьыбачымазарақәа 90% арҿиоит, уи адагьы еиуеиԥшым егьырҭ ачымазарақәагьы ирышьагәыҭуп, аҳәоит Роспотребнадзор асаит аҿы.
"Аҭаҭынахара хымԥада укылнагоит арыԥҳачымазара, абронхит, аемфезема рахь. 90% акьыбачымазарақәа зыхҟьо аҭҭынахароуп", - аҳәоит адырраҭараҿы.
15-шықәса анырхыҵ нахыс аҭаҭынахара иалагаз хәынтә еиҳаны акьыбачымазара рчычоит 25 шықәса инаркны иалагаз раасҭа.
Аҵарауаа ишьақәдыргылеит ҽнак ала 20 сигарет иахо ауаҩы шықәсык аҩныҵҟа 200 рентген-ҭыхымҭа инаҭо анырра инаҭоит ҳәа.
"50% аҭҵаарақәа ирхысыз ахацәа ахшара роура аԥырхагара шамаз аарԥшын", - аҳәоит адырраҭараҿы.
Аиҳарак ишәарҭаны иҟоу ауаҩԥсы иаарласны, изкамыжьуа иоуа ашьцылароуп. Аҭаҭын иахо рҟынтәи 98% икарыжьыр шырҭахугьы ирылшом, иалашьцылоит.
