АҞӘА, ԥхынгәы 19 - Sputnik, Сариа Кәарцхьиаԥҳа. Гәдоуҭеи Лыхныи ашколқәа аремонт рзыруит. Арҭ аобиектқәа дырҭааит Аԥсны ахада Рауль Ҳаџьымба.
![Лыхнытәи Гәдоуҭатәи абжьаратә школқәа аремонт рзыруеит Лыхнытәи Гәдоуҭатәи абжьаратә школқәа аремонт рзыруеит - Sputnik Аҧсны](https://cdnn1.img.sputnik-abkhazia.info/img/102796/56/1027965669_0:0:1620:1080_600x0_80_0_0_cf8841638747b8a18639b6cfc043d927.jpg)
Гәдоуҭатәи абжьаратә школы № 3 аҵарашықәс ҿыц азы ашәқәа аартхоит.
![Лыхнытәи Гәдоуҭатәи абжьаратә школқәа аремонт рзыруеит Лыхнытәи Гәдоуҭатәи абжьаратә школқәа аремонт рзыруеит - Sputnik Аҧсны](https://cdnn1.img.sputnik-abkhazia.info/img/102796/55/1027965594_0:0:1620:1080_600x0_80_0_0_c543ed0f8bb8d47db5373b7c513c1254.jpg)
Аԥсны ахада Рауль Ҳаџьымба усутә ныҟәарала Гәдоуҭа араион аҿы иҟазаараан ашкол аҿы аусурақәа шцо абаразы даҭааит. Ашкол № 3 аремонт азура иалагеит 2017 шықәса рзы. Уи иазоужьын 80 миллион 400 нызқьмааҭ. Аргылаҩцәа ашкол адәахьтәи аусурақәа мҩаԥыргахьеит.
![Лыхнытәи Гәдоуҭатәи абжьаратә школқәа аремонт рзыруеит Лыхнытәи Гәдоуҭатәи абжьаратә школқәа аремонт рзыруеит - Sputnik Аҧсны](https://cdnn1.img.sputnik-abkhazia.info/img/102796/52/1027965279_0:0:1620:1080_600x0_80_0_0_1bf42ea131d80ecdd4d748c145a0435e.jpg)
"Аремонт амҩаԥгараан проблема рацәа ҳмоуит. Иаанханы иҟоу адашьма ақәҵароуп, нас ашкол акәша-мыкәша арԥшӡара. Аҿҳәарақәа ҳҽырҭаҳагӡоит", - иҳәоит анардадаҩ ихаҭарнак Шалико Хагуш.
Ашкол адиректор Инны Ҳалуашьԥҳа лажәақәа рыла ашкол аадыртызар аремонт азырымуцызт. Ашкол ҿыц иаднакылараны иҟоуп 600-ҩык аҵаҩцәа. Уажәазы уа аҵара рҵоит 150-ҩык.
![Лыхнытәи Гәдоуҭатәи абжьаратә школқәа аремонт рзыруеит Лыхнытәи Гәдоуҭатәи абжьаратә школқәа аремонт рзыруеит - Sputnik Аҧсны](https://cdnn1.img.sputnik-abkhazia.info/img/102796/52/1027965243_0:0:1620:1080_600x0_80_0_0_6a619c9b2e6e0bc4748d9eb53e997457.jpg)
Платон Шьаҟрыл ихьӡ зху лыхнытәи абжьаратә школ аҿгьы аремонт хацыркын 2017 шықәса рзы, иазоужьын 113 миллион мааҭ.
"Ахыбра акыр иқәсхьеит. Шьаҭанкыла ирӷәӷәатәхеит. Иахьазы аусурақәа рхыркәшара акгьы агым", - иҳәоит анардадаҩ ихаҭарнак Игор Циментиа.
Ашкол аартын 1981 шықәса рзы. Убри аахыс аремонт ҟарымҵацызт. Уажәы инханы иҟоу ашкол арԥшӡаратә усурақәа роуп. Аԥсны ахада иҳәеит иибаз игәы ишахәаз.
![Лыхнытәи Гәдоуҭатәи абжьаратә школқәа аремонт рзыруеит Лыхнытәи Гәдоуҭатәи абжьаратә школқәа аремонт рзыруеит - Sputnik Аҧсны](https://cdnn1.img.sputnik-abkhazia.info/img/102796/55/1027965560_0:0:1620:1080_600x0_80_0_0_56d10110556ae3bd863de1fb63240ee7.jpg)
"Ашколқәа ремонт шыҟаҵоу шьахәуп. Ихадароу ашколқәа рышҭа хәыҷыла иҭәызароуп", - иҳәеит иара.
Лыхнытәи ашкол аҿы аҵарашықәс ҿыц алагара ауеит. Ара аҵара рҵоит 100-ҩык рҟынӡа ахәыҷқәа. ашкол 800-ҩык рҟынӡа аднакылар алшоит.
Иара убас шәаԥхьа ҟалоит:
- Очамчыра араион аҿы ашкол ҿыцқәа ҩба аадыртраны иҟоуп
-
Ҷкотуа: Гагратәи аԥсуа школ аргылара иарбоу аамҭа иахьаҳагӡоит