"Дарбанзаалакгьы абираҟ иану шану, уи шҳауз ҳдыруазар ҳақәнагоуп, агимн анаҳәо доусы ишьапԥынҵа дықәгыланы дӡырҩыртә еиԥш, игәаҵаҟынӡа инеиртә еиԥш иамоу аҵакы дышхәыҷу илааӡара аҭахуп. Ҳара еснагь ҳаззықәԥоз ҳбызшәеи, ҳбираҟи, ҳҳәынҭқарреи амшқәа иԥшьоу мшны иазгәаҭатәуп. Аԥсшәеи аԥсуа ҳәынҭқарреи еидыхшьа шамам атәы шьақәырӷәӷәатәуп уажәнатә", - ҳәа азгәеиҭеит Ашәба.
Аԥсуа-абаза жәлар рконгресс Иреиҳаӡоу Аилак алахәыла еиҭеиҳәеит Аҟәа амшын аԥшаҳәаҿы имҩаԥгахо аусмҩаԥгатәқәа ртәы.
"Асааҭ 19:00 рзы излаго аусмҩаԥгатә даара аинтерес аҵоуп ахәыҷы инаиркны аду иҟынӡа. Аԥсыуа маҭәала инеиуа, аҵәыџь мца кны, абираҟ аԥхьа иргыланы, ахәыҷқәа ирбо ҳбираҟ, адунеи ахьынӡанаӡааӡо аԥсуа-абаза зхылоу зегьы аӡәны аԥсуа ҳәынҭқарра шьаҟас ишаҵагылоу аршаҳаҭуеит", - ҳәа азгәеиҭеит Ашәба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар шәылшоит:
- Ажәытәи аҿатәи ахьеилаӡҩо: ҳбираҟ ԥшьа ҳазнықәуа 27 шықәса ахыҵит
-
Арсалиаԥҳа еиҭалҳәеит абираҟ амш аҽны Аҟәа еиҿкаахо ахәылԥаз атәы
-
Аныҳәатә хәылԥазы, аконцерт: абираҟ амш азгәаҭахоит Аҟәа
