Аԥсныи Урыстәылеи рҳазалхыҩцәа аиқәшаҳаҭра рнапы аҵарҩит

© Sputnik / Томас Тхайцукаҳазалхратә маҵзура
аҳазалхратә маҵзура - Sputnik Аҧсны
Анапаҵаҩра
НовостиTelegram
Аԥсны аҳәынҭқарратә ҳазалхратә еилаки Урыстәыла афедералтә ҳазалхратә маҵзуреи рхаҭарнакцәа реиԥылара мҩаԥысит ԥхынгәы 25 рзы.

АҞӘА, ԥхынгәы 25 – Sputnik. Аԥсны аҳәынҭқарратә ҳазалхратә еилаки Урыстәыла афедералтә ҳазалхратә маҵзуреи рхаҭарнакцәа Амҩатә хсаала рнапы аҵарҩит аҳәынҭқаррақәа рыҩба рзакәанԥҵарақәа реиқәыршәара азҵааразы. Абри атәы радио Sputnik иазеиҭеиҳәеит Аԥсны аҳәынҭқарратә ҳазалхратә еилакы ахантәаҩы Беслан Ҵнариа.

Аԥсны аҳәынҭқарратә ҳазалхратә еилаки Урыстәыла афедералтә ҳазалхратә маҵзуреи рхаҭарнакцәа реиԥылара мҩаԥысит ԥхынгәы 25 рзы. Аԥсны аҳәынҭқарратә ҳазалхратә еилаки Урыстәыла афедералтә ҳазалхратә маҵзуреи рхаҭарнакцәа Амҩатә хсаала рнапы аҵарҩит аушьҭырҭатә ҭыԥ "Адлер" аҿы аҳәаахысразы аҳәынҭқаррақәа рыҩба рзакәанԥҵарақәа реиуршәара азҵааразы.

"Иалацәажәан аамҭала ахатәы транспорт алагалара. Ҳара ҳазааиит Аҟәа иҟоу аҳазалхратә ҭыԥ ҷыда иаиурц азин аҳәааҿ акәымкәа атәыла аҩныҵҟа адекларациа аиҿкаара. Зхатә транспорт ала Урыстәылаҟа анеира зҭаху ахаҿқәа ироуеит алшара Аҟәа иҟоу аҳазалхратә ҷыдаҿ адокументқәа реиқәыршәара, нас урҭ рыхкьыԥхьаа аҳәааҿ ахархәара. Ари иалнаршоит аҳәааҟны аишьҭагылақәа реиҵатәра", - еиҭеиҳәоит Ҵнариа.

Иара иажәақәа рыла Гагреи Гәдоуҭеи араионқәа руааԥсыра рзы аушьҭырҭатә ҭыԥ "Адлер" ахархәара аиуеит.

Ажәабжьқәа зегьы
0