"Иира амш азгәаҭара усҟак бзиа избом, усҟак хырҩа асҭом. Уажәааны есышықәса Ҭырқәтәылаҟа саауеит, Ашәаа рқыҭахь сцоит, уаҟа издыруа рацәоуп, саарагьы еиҳарак аибабара иазкуп. Сара Аԥсны ажьира иаҳа аҽарҭбаар сҭахуп. Аиха иадҳәаланы аус ҳнаԥахьы иаҳа иааҳгахьеит. Уажәы иҳагоу араӡны аус адулара аҵароуп. Убри шьҭыхтәуп, убри саҿуп иаҳа. Ажьира иадҳәаланы аихьӡарақәа ҳамоуп, араӡны иадҳәаланы макьана иҳамам. Убри шьҭыхьны аҩаӡара ҳаракы аҟынӡа инаганы, нас убарҭ рыҩбагьы иҟаҳҵо зегьы, абџьар аума, аҳәызба аума, зегьы ахаҭабзиара бзиахоит. Жәаҩык жәохәҩык ари аус дырҵатәуп. Исҭахуп Аԥсны ажьирақәа рацәахарц, уи ҳкультура ҭнагоит, ҳҟазара ҳаракхоит", - ҳәа азгәеиҭеит Ӡиӡариа.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Ашәба еиҭеиҳәеит ажьира шьҭызхыр зҭахыз рзы иаԥҵаз аԥҟарақәа ртәы
-
Џьопуа: ауаҩы аиха анцәырҵ нахыс Ажьира дамҵаныҳәоит
