ConIFA-2020 Адунеи ачемпионат Сомалиленд имҩаԥысӡом

© Sputnik Алхас МанаргияЧемпионата Европы под эгидой ConIFA
Чемпионата Европы под эгидой ConIFA  - Sputnik Аҧсны
Анапаҵаҩра
НовостиTelegram
ConIFA алахәылаҩцәа иааицуа ашықәс аламҭалаз еизаны ирыӡбоит Адунеи ачемпионат – 2020 ахьымҩаԥысша атәыла.

АҞӘа, нанҳәа 20 – Sputnik, Бадраҟ Аҩӡба. Ихьыԥшым ашьапылампылтә ассоциациа Рконфедерациа ConIFA адырра ҟанаҵеит ConIFA-2020 Адунеи ачемпионат Сомалиленд ишымҩаԥымсуа, абри атәы Sputnik иазеиҭеиҳәеит аиҿкаара ахада ихаҭыԥуаҩ Дмитри Паӷәаа.

Аԥсны акоманда Чамериа ианаиааи ашьҭахь - Sputnik Аҧсны
Аԥсны акоманда ахԥатәи аҭыԥ ааннакылеит ConIFA-2019 ЕА аҿы

"Акомандақәа жәпакы уахь ацара рцәыуадаҩуп, убри азы ари абҩыза аӡбамҭа ҳадаҳкылеит. Уажәы аамҭа маҷк иаҳгеит уи аицлабра ахьымҩаԥаҳгаша аҭыԥ алҳхразы", - иҳәеит иара.

2020 шықәса ажьырныҳәа мзазы адгьылбжьаха Џьерси аҟны имҩаԥысраны иҟоуп ConIFA аизара. Уа иалырхроуп ConIFA-2020 Адунеи ачемпионат ахьымҩаԥысша атәылазы аӡбамҭа.

"Акомандақәа ачемпионат алахәразы адокументқәа аларҵахьеит. Мызкы ашьҭахь аҵәҭаԥсара иалахәхаша акомандақәа шьақәҳарӷәӷәоит. Уажәазы ҳара хықәкыла ҳзызхәыцуа ConIFA-2020 ахьымҩаԥаагаша атәыла алхроуп", - инаҵишьит Паӷәаа.

Ихьыԥшым ашьапылампылтә ассоциациақәа Рконфедерациа ConIFA шьаҭаркын рашәара 7, 2013 шықәса рзы. Уи еиднакылоит FIFA иалам 40 команда.

Ажәабжьқәа зегьы
0