Путин Аԥсны ахада дааиԥхьеит Москва имҩаԥысраны иҟоу Аиааира Апарад ахь

© Sputnik / Alexey Kudenko / Амедиаҵәахырҭахь аиасраАиааира Апарад ахь
Аиааира Апарад ахь - Sputnik Аҧсны
Анапаҵаҩра
НовостиTelegram
Урыстәыла ахада Аԥсны ахада иахь ааԥхьара ааишьҭит Аџьынџьтәылатә еибашьра Дуӡӡаан игаз Аиааира 75 шықәса ахыҵра иазку аныҳәахь.

АҞӘА, нанҳәа 23 – Sputnik. Владимир Путин Аԥсны Ахада дааиԥхьеит Аџьынџьтәылатә еибашьра Дуӡӡаан игаз Аиааира 75 шықәса ахыҵра иазку Аиааира Апарад ахь лаҵара 9, 2020 шықәсазы. Абри атәы Sputnik иазеиҭеиҳәеит аныҳәатә усмҩаԥгатәқәа ртәы здыруа Урыстәыла ахада иадминистрациаҟны ахыҵхырҭа.

Урыстәыла ахада Владимир Путин - Sputnik Аҧсны
Владимир Путин аԥсуа жәлар ирыдиныҳəалеит Аиааира ду амш

Ҳзыҿцәажәоз иазгәеиҭеит ИАР атәылақәа рхадацәа, иара убас Аахыҵ Уаԥстәылеи Аԥсныи рхадацәа.

Уаанӡа иаарыцҳаит Аиааира 75 шықәса ахыҵра инамаданы Владимир Путин ишааиԥхьаз Франциа, Китаи, ЕАА, КНДР, Индиа, Пакистан.

Москва иазԥхьагәаҭоуп агәырӷьаратә усмҩаԥгатәқәа рыпрограмма ду.

2015 шықәса рзы Урыстәыла аҳҭнықалақь ахь иааит 23 ҳәынҭқарра рхадацәа, иара убас ЕАР, ИуНЕСКО рнапхгаҩцәа.

Аџьынџьтәылатә еибашьра Дуӡӡа иалахәын 55 нызқьҩык Аԥсны атәылауаа. Урҭ рахьтә 17 нызқьи 430-ҩык рыҩныҟақәа рахь ихнымҳәӡеит. 22 Асовет Еидгыла Афырхаҵа ҳәа ахьӡ ҳаракы рыхҵан, хҩык аибашьцәа Ахьӡ-аԥша аорденқәа х-ҩаӡарак ранашьан.

Ажәабжьқәа зегьы
0