Амҷба Аԥсны ахада иалхрақәа Москва амҩаԥысшьа иазкны: аԥхын алхыҩцәа маҷуп
"Москва алхрақәа даара ибзианы имҩаԥысит ҳәа азысыԥхьаӡоит. 500-ҩык рҟынӡа ҩыџьа агын. Хәышықәса раԥхьа иҟаз алхрақәа рахь инеиз алхыҩцәа еиҳа ирацәан. Аԥхын зегьы ԥсшьара ицоит, Аԥсныҟа ицоит, уи ауп уажәтәи алхрақәа раан алхыҩцәа рхыԥхьаӡара змаҷхазгьы. Абжьааԥны 1500-ҩык рҟынӡа алхрақәа рхы рыладырхәуан. Дара ахәшьара руҭозар, зегьы маншәаланы имҩасит. Иааиуа зегьы гәык-ԥсыкала иааиуан, ргәалаҟазаара бзиан, еиларс ҟамҵакәа адиаспора алхрақәа ибзиан имҩаԥыргеит. Ара 146-ҩык рыбжьы Кәыҵниа Алхас ирҭеит, 137-ҩык - акандидат Олег Аршба. Рауль Ҳаџьымба иоуит 83 бжьы", - ҳәа еиҭеиҳәеит Амҷба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
