Борис Џьонсон Brexit азы Апарламент аусура ааникылеит акралԥҳәыс лақәшаҳаҭрала

© Sputnik / Алексей Филиппов / Амедиаҵәахырҭахь аиасраБританиа аԥыза-министр Борис Џьонсон
Британиа аԥыза-министр Борис Џьонсон - Sputnik Аҧсны
Анапаҵаҩра
Британиа ду Евроеидгыла ааннажьроуп жьҭаара 31 рзы. Brexit аԥхьатәи арыцхә хәажәкыра 29 аҟынтәи иахыган Апарламент уи хынтә иахьақәшаҳаҭымхаз азы.

АҞӘА, нанҳәа 29 — Sputnik. Британиа аԥыза-министр Борис Џьонсон аҳәамҭа ҟаиҵеит апарламент аусура жьҭаара 14 рҟынӡа иаанкылоуп ҳәа. Абри атәы аанацҳауеит РИА Новости.

"Аԥыза-министр Лаҳаракыра Акралԥҳәыс длыҿцәажәеит. Аҳәара ҟаиҵеит уажәтәи апарламенттә сессиа цәыббрамзазы ихыркәшазарц. Апартиатә конференциақәа раамҭа анхыркәшахалак, аҩбатәи асессиа алагоит акралԥҳәыс лықәгыларала, жьҭаара 14 рзы", - ҳәа аанацҳауеит аԥыза-министр ишәҟәеилыргарҭатә усбарҭа адырраҭара.

Британиатәи апарламентарицәа рыԥсшьарамшқәа рышьҭахь еизоит цәыббра 3 рзы.

Британиа ду акралԥҳәыс Елизавета Аҩбатәи адгылара алҭеит Борис Џьонсон иӡбамҭа.

Участники акции против Brexit у здания парламента Великобритании в Лондоне. 17 января 2019 - Sputnik Аҧсны
Британиатәи апарламент Brexit аҿҳәара анахара иадгылеит

"Абри амш азы Лара Лаҳаракыра адҵа ҟалҵеит Апарламент аусура цәыббра 9 инаркны цәыббра 12 иахымгақәа иаанкылазарц 2019 шықәса жьҭаара 14 рҟынӡа", - аҳәоит Балморал анапы зҵаҩу акралԥҳәыс лышәҟәы.

Апарламент аҿы иҟоуп Џьонсон иӡбамҭа иадымгыло.

Уаанӡатәи афинансқәа рминистр Филип Хаммонд аԥыза-министр иӡбамҭа "демократиатәым" ҳәа ишьоит.

"Ари аконституциа аилагароуп иаанаго", - ҳәа иҩуеит иара Twitter аҿы.

Британиа ду Евроеидгыла ааннажьроуп жьҭаара 31 инаркны. Brexit аԥхьатәи арыцхә хәажәкыра 29 ахыган апарламент уи хынтә иахьақәшаҳаҭымхаз азы. Апарламент Brexit еиқәышаҳаҭрада алҵра аҭахым, Евроеидгыла аиқәшаҳаҭра аиҭахәаԥшра агәы иҭам.

Аамҭақәак раԥхьа британиатәи аоппозициатә партиақәа ирыӡбеит еиқәышаҳаҭрада алҵра иаҿагыларц.

Иара убас шәаԥхьар ҟалоит:

Ажәабжьқәа зегьы
0