Какоба арҵагашәҟәы Аԥсны аҭоурых азы: ажәа аҟынтә аус ахь ианыиасуа аамҭа ҳҭагылоуп
"Ихадараны ҳҵадырраҟны, ҳҵаратә система аиҿкаараҿы зныкымкәа ҳҿаԥхьа иқәгылоз азҵаара уажәы ажәа аҟынтә аус ахь ианыиасуа ҳәа аамҭак ыҟазар, убри ҳааины ҳҭагылоуп. Ииашоуп, иахьа уажәраанӡагьы аԥсышәала ицәажәо арҵагашәҟәы ҳхатә ҭоурых азы ишьақәыргылазар ахәҭан, аха иҟан еиуеиԥшым амзызқәа. "Иаҭахуп, иаҭахуп!" ҳәа иҳамаз ацәажәарақәа рҟнытәи аус ахь ҳаиасхьеит. Саԥхьа иқәуп аԥхьажәа, Аԥсны аҭоурых излалаго, ахәбатәи- ажәбатәи аклассқәа ирызку арҵагатә цхыраагӡа аԥсышәала еиҭаганы", - ҳәа азгәеиҭеит Какоба.
Инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
