Аргәын ашколхәыҷқәа ирзырхоу "Кьараз" акциазы: 205 ҭаацәара ацхыраара роухьеит
"Хымш ҵуеит акциа мҩаԥаагоижьҭеи, ашкол азы амаҭәахәқәа ршара ҳаҿуп, 205 ҭаацәара ирзаҳшахьеит. Иуԥылоит ҭаацәак аҿы х-ҩык, хә-ҩык, жәа-ҩык ахьыҟоу ахәыҷқәа. Иааидкыланы иуҳәозар, 500 рҟынӡа ахәыҷқәа еиқәҳаршәахьеит. Амаҭәарқәа раахәара алыршахеит ауаа иаҳзеизыргаз аԥарала, ауааԥсыра даара ацхыраара ҳарҭоит. Ахәыҷқәа ироуеит атетрадқәа жәаба-жәаба цыра, акаламқәа, аҵәаӷәалдага, акарандашьқәа, асахьаҭыхразы амаҭәарқәа. Ажәакала, ашкол азы иаҭаху, амала ашәыра ада", - иҳәеит Аргәын.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
