АҞӘА, цәыббра 3 – Sputnik. Аҩаша, цәыббра 3 ауха, асааҭ 00:30 рзы Аҟәа, Араион ҿыц, Лагәлаа имҩа №3 аҩналарҭаҿы дшьын 1981 шықәса рзы ииз Омари Михаил-иԥа Шьакаиа. Абри атәы аанацҳауеит ареспублика Апрокуратура хада.
Аусбарҭа асаит аҿы ишаҳәо ала, Шьакаиа ихы иеихсит. Аҭыԥ аҿы иԥшаан зкалибр 5,45 миллиметр иҟоу абџьар агильзақәа. Аӡбарҭа-медицинатәи абаллистикатәи експертиза мҩаԥыргоит.
Аҟәа ақалақь апрокуратура ауаҩшьреи амцабџьар изакәанымкәа аҵәахреи аныҟәгареи рзы ашьаус хацнаркит.
