АҞӘА, цәыббра 5 – Sputnik, Бадраҟ Аҩӡба. Аҟәатәи "Нарҭ" ахьчаҩбжа, Аԥсны еизгоу акоманда алахәыла Шабаҭ Логәуа "Тюмень" акоманда далахәны Урыстәыла Аолимп–Храҿа афинал 1/32 аҟны дыхәмарит.
""Енисей" акоманда ҳацыхәмаруан. Дара 2018 шықәсазы апремьер-лигаҿ ихәмаруан. Ахәмарраан ахәаԥшыҩцәа реиҳараҩык ҳкоманда иадгылон. Аиааира даара ҳгәы шаҳәозгьы иаҳзалмыршеит", - ҳәа еиҭеиҳәоит Шабаҭ Логәуа.
Шабаҭ Логәуа ахәмарра-дәы аҿы 85 минуҭ дыҟан.
"Тюмень" аофициалтә саит аҿы аԥсуа шьапылампыласыҩ идебиут иалацәажәан.
Ашьапылампылтә команда "Тюмень" "Урал-Поволжье" азонаҿ ихәмаруеит.
Уаанӡа Шабаҭ аҟәатәи "Нарҭ" аҿы дыхәмаруан. Ҩынтә атәыла Ахраҿа даԥсахеит, ачемпионтә титулқәа ҩба иоуит акоманда аилазаара даланы.
Иара убас шәаԥхьар шәылшоит:
-
Шабаҭ Логәуа ашьапылампылтә клуб "Тиумен" ахәмарыҩс дыргеит
