Анатоли Бибилов Рауль Ҳаџьымба дидныҳәалеит

© Sputnik / Наталья Айриян / Амедиаҵәахырҭахь аиасраАнатоли Бибилов
Анатоли Бибилов - Sputnik Аҧсны
Анапаҵаҩра
Аԥсныи Аахыҵ Уаԥстәылеи рхадацәа ҭелла еицәажәеит. Анатоли Бибилов Рауль Ҳаџьымба дидныҳәалеит.

АҞӘА, цәыббра 9 - Sputnik. Анатоли Бибилов ҭелла Рауль Ҳаџьымба идиныҳәалеит алхрақәа аҩбатәи ртур аан аиааира ахьигаз. Абри атәы аанацҳауеит ахада ипресс-маҵзура.

Аицәажәараан Бибилов иҳәеит ажәлар иҟарҵаз алхра атәыла аҿиара ишазеиӷьхо.

"Сгәы иаанагоит шәара шәыԥсадгьыл ахь ишәымоу абзиабара дуи шәусуралшареи иалдыршап ҳәа атәыла иҵегьы еиҳау ақәҿиарақәа аиурц", - иҳәеит Анатоли Бибилов.

Рауль Ҳаџьымбеи Анатоли Бибилови еиқәшаҳаҭхеит ҩ-ганктәи аизыҟазаашьақәа рырҿиара шхымԥадатәиу азы.

Аԥсны АКХ ахантәаҩы Ҭамаз Гогьиа цәыббра 9 рзы заанаҵтәи аихшьаалақәа рылеиҳәеит. Урҭ инарықәыршәаны Аԥсны ахада иалхрақәа аҩбатәи ртур аҟны аиааира игеит Рауль Ҳаџьымба. Иара изы рыбжьы арҭеит 47,38%, Алхас Кәыҵниа - 46,19%.

Иара убас шәаԥхьар ҟалоит:

Ажәабжьқәа зегьы
0