Арҭ амшқәа рзы Ҟазахсҭан аҳҭнықалақь Нур – Султан имҩаԥысуа зхы иақәиҭу ақәԥаразы ачемпионат аҿы Шьамтәыла ахьӡала дықәгылоит аԥсуа спортсмен Баџь Хәытаба. Ачемпионат иалахәуп адунеи атәылақәа шәкы инархыҳәҳәо зықьҩык инареиҳаны аспортсменцәа. Уаҟа аиааира згаз 2020 шықәсазы Токио имҩаԥысран иҟоу аолимпиатә хәмаррақәа рахь имҩа аатуеит. Шьамтәыла ареспублика аспорттә қәԥаразы афедерациа аҳәарала ари атәыла аҟнытә азыҟаҵаҩ хадас далкаауп Жәларбжьаратәи акласс змоу аспорт азҟаза, зых иақәиҭу ақәԥаразы Шьамтәыла аолимпиатә хеилак алахәыла, Аԥсны абҩарҵәреи аспорти рхеилак ахантәаҩы Баграт Хәытаба.
"Цәыббра 14 инаркны 22 рҟынӡа аицлабрақәа цоит. Аҵәҭаԥсара ҳахысит, асааҭ 11 рзы иахьа аицлабрақәа ҟалоит. Сашьеиҵба Баџьа Хәытабеи адунеитә чемпионатқәа рҟны аԥхьахәқәа згахьоу кореиатәи аспортсмени еиԥылоит. Баџьа дазыҟаҵоуп, илшо ҳбап, сгәаанагарала зегь маншәалахароуп", - иҳәеит Хәытаба.
Шәазыӡырҩла арадио Sputnik Аԥсны аефир.
