"Аҟәа ахақәиҭтәразы аҵыхәтәантәи ажәылараан фуникулиор ала ҳаара даара ибзиан иӡбаз ак акәын. Марттәи ажәылараан иҟаҵаз агхақәа зегьы анализ рзуны, аибашьцәа ирыхӡыӡааны иҟаҵаз операциан цәыббрамзазы. Ганхатәи ажәылареи ацҳақәа рыла иҟаҵаз ажәылареи ирыбзоураны ақырҭцәа акгьы рзыҟамҵеит, иалцан. Абасоуп ари аоперациа сшазхәыцуа. Иара ииашан иӡбан", - ҳәа азгәеиҭеит Латариа.
Аибашьра раԥхьатәи амшқәа игәаларшәо, Латариа иҳәеит ақырҭцәа рабџьар рымхны анаҩс рхы ишадырхәоз.
"Аибашьра ианалагоз, еиҳарак Мраҭашәаратәи афронт акык-ҩбак автомат рыда ыҟамызт, ана ҳрабашьны ак рыцәго, ара ҳрабашьны ак рыцәго, аротақәеи агәыԥқәеи еизго ҳаибашьуан. Дара агәы змаз уаамызт. Ирымаз абџьаргьы ак алган ирымгеит. Зегьы кажьны акәын ишцоз", - ҳәа еиҭеиҳәеит Латариа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
