"Ҳара лассы-лассы асасцәа ҳҭаауеит, дара ныҟәара ианаҳго еиҳарак Риҵеи Афони рахь ауп, зегьы еицырдыруа маршрутуп ҳәа. Ҳара иҳаӡбеит ҳасасцәа мрагыларатәи аган ахь иаҳгарц, ирбаз ираҳаз ргәы иҭымҵәо аҟаҵаразы. Абрыскьыл иҳаԥы ахь сынтәа жәантә инареиҳаны асасцәа ҳаманы ҳцахьеит. Аҳаԥы аҩнуҵҟа хәыда-ԥсада аныҟәара адагьы, уи аиҳабы ичеиџьыка агьама ҳмырбаӡакәа ҳауимышьҭыц. Мықәтәи аныхабаа акәша-мыкәша даара иблахкыгоуп аԥсабара. Бедиатәи ауахәама аԥсабара акәзар, акы иузаларҩашьом. Уи аҭыԥ иахьатәи аамҭазы Аԥсны иҟоу зегь рахьынтә иалыскаауеит. Уа ҳаблала иаабеит имаҷымкәа атуристцәа, ибзиахон иара ақыҭа ауааԥсыра рзы иаку аџьармыкьа рзеиҿкаазарц, раалыҵ наганы ахьырҭиша аҭыԥ, хашәалак ахьроуша. Мрагыларатәи аган атуризм иҵегьы ирҭбаатәуп", - ҳәа азгәалҭеит Жьиԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
