Хра злоу ахҭысқәа: Шамба Аԥсны Аҳазалхратә еилакы иазкны
Цәыббра 27, 1991 шықәсазы иаԥҵан Аԥсны аҳазалхратә еилакы.
"Аҟәа ахақәиҭтәреи ҳзанааҭтә ныҳәамши ахьеиқәшәаз агәахәара ҳнаҭоит, ҳазгәыдууп. Ари амш иҿыцӡоу ҳҭоурых ахь иаҵанакуеит, аха ҳагәылалар иаҳбоит аҩыратә хыҵхырҭақәа рҟны ажәохәтәи ашәышықәсазы Аҟәа (усҟан Себастополис ҳәа иашьҭан), ақалақь аҟны аҳазалхырҭа. Илырхуан аҳазалхратә баџь. Усҟантәи аамҭазы Генуеи Аԥсныи рыбжьара ахәаахәҭра, атауареикәыршара ыҟан. Аҳазалхратә тариф акәзар процентк артәон. Иҿыцу ҳҭоурых аҟны Аԥсны Аҳәынҭқарра Аҳазалхратә еилакы анеиҿыркаа инаркны уахәаԥшуазар, иахьа 28 шықәса анахыҵуа азы уи ҳәынҭқарратә институт ӷәӷәаны ашьақәыргылара ҳалҳаршеит ҳәа сгәы иаанагоит", - иҳәеит Шамба.
Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
