АҞӘА, жьҭаара 4 - Sputnik. Аилахәыра Apple адырра ҟанаҵеит аҵыхәтәантәи ацәаҳәа иаҵанакуа iPhone 11 аҭыжьра 10% ма 8 миллион-цыра рыла ишеиздырҳауа, иара аахәаҩцәа еиҳа ирацәаҩны иахьаадҵаало азы. Абри атәы аанацҳауеит РИА Новости агазеҭ Nikkei Asian Review адыррақәа шьаҭас иганы.
"Ҳшазыԥшыз аасҭа аҭаххарақәа еиҳахеит. Аҵыхәтәантәи ацәаҳәа иаҵанакуа iPhone 11 аҭыжьра 10% ма 8 миллион-цыра рыла еиҳаҳтәуеит", - аҳәоит адырраҭараҿы.
Убри аамҭазы иҟоуп ашәара аҭаххарақәа шьақәымтәакәа икаҳар ҳәагьы.
"Уажәазы аҭаххарақәа ҳаракуп, аха акыр агәҽанызаара аҭахуп", - азгәаҭоуп Apple ахыҵхырҭақәа рҿы.
Apple 10 цәыббрамзазы иҭнажьит - iPhone 11, iPhone 11 Pro, iPhone 11 ProMax. зегь раасҭа зыхә ҳараку асмартфон - iPhone 11 Pro Max (512 гигабаит) 131,99 нызқьмааҭ иаԥсоуп.
