АҞӘА, жьҭаара 7 - Sputnik. Аԥсны ахада Рауль Ҳаџьымба Урыстәыла ахада Владимир Путин имшира идиныҳәалеит.
"Ҳаҭыр зқәу Владимир Владимир-иԥа! Гәык-ԥсык ала ишәыдысныҳәалоит шәымшира. Шәара шәнапхгарала Урыстәылатәи Афедерациа аполитикаҿ ақәҿиарақәа аиуит, асоциал-економикатә ҿиараҿы – аихьӡара дуқәа", - ҳәа аҳәоит адныҳәаларатә шәҟәаҿы.
Атәыла ахада иазгәеиҭеит Аԥсны иқәынхо ажәлар Владимир Путин аԥсуа ҳәынҭқарра аиқәырхареи асоциал-економикатә ҿиара адгылара аҭареи рҟны илшамҭа дуқәа ахааназ ишырхамшҭуа.
Рауль Ҳаџьымба Владимир Владимир-иԥа изеиӷьеишьеит агәабзиара зҩыда, ашықәснҵыра, аҭынчра, иарбан усзаалак аҿы ақәҿиарақәа.
Иара убас шәаԥхьар ҟалоит:
-
Владимир Путин имшира азгәеиҭоит
