АҞӘА, жьҭаара 8 – Sputnik. Шәача ақалақь аҿы ирылаҳәоуп амшцәгьа ӷәӷәа ҟалар ҟалоит ҳәа. Жьҭаара 9 рзы аметеорологцәа иазыԥхьагәарҭоит ақәаршҩы, адыд-мацәыс, аԥшаӷьы.
"Аӡиасқәа рҟны аӡы шьҭыҵыр алшоит. Ашьха иахьаԥну аҳәынҵәеиларшьшь леиуеит. Амшын аҿы аԥшеиларҳә ҟалар ауеит", - азгәарҭоит акурорт анапхгара.
Шәача ақалақь ауааԥсыреи асасцәеи амшцәгьақәа инарыдҳәаланы ирабжьыргоит ашьхаҟа ныҟәара имцарц, аӡиасқәа рааигәара аԥсшьарҭаҭыԥ алрымхырц, амашьынақәа аҵлақәеи аихатә ргыларақәеи ирыҵадмыргылаларц.
Ԥхынгәы 14 рзы амшцәгьа иахҟьаны Кудепста, Адлер, аԥсуа-аурыс ҳәаахь уаазго афедералтә трасса рҿы амҩақәа ӡыла иҭәын.
Аԥшацәгьа иахҟьаны адәыӷбақәа рныҟәара еиԥҟьан.
