АҞӘА, жьҭаара 9 – Sputnik, Бадраҟ Аҩӡба. Акомандақәа ԥшьба злахәхо ашьапылампыл азы атурнир "Аиааира Ахраҿа" аартаны иҟоуп жьҭаара 10 рзы, ҳәа Sputnik иазеиҭеиҳәеит Аԥсны ашьапылампылтә лига адиректор Витали Федоренко.
"Атурнир ҩ-еикәшаракны имҩаԥгахоит. Еикәшарацыԥхьаӡа хԥа-хԥа тур ҟалоит. Иалыркаауа атурқәа ачемпион ихьӡ азы еиндаҭлоит", - иҳәеит иара.
Афиналтә хәмарра мҩаԥгахоит абҵара 20 асааҭ 16:00 рзы Аҟәа астадион "Динамо" аҿы ҳәа иҳәоит Федоренко.
"Атурнир еиҿкаауп аспортсменцәа рҟазара аизырҳаразы, ахәмарратә ԥышәа рцәымӡырц", - азгәеиҭеит иара.
Аклубқәа рфинанстә ҭагылазаашьақәа ирхырҟьаны 27-тәи ачемпионат ҭагаланмзақәа рҟынтәи 2020 шықәса ааԥынрахь ииагоуп. Акомандақәа фба рҟынтәи иаанханы иҟоуп акомандақәа ԥшьба.
Атурнир "Аиааира Ахраҿа" ахәмаррақәа рымаҵ рулоит аԥснытәи аӡбаҩцәа рыбригадеи Шәачантәи иааԥхьо арефери. Атурнир иалахәхоит акомандақәа: "Гагра", "Риҵа","Нарҭ", "Динамо".
Иара убас шәаԥхьар ҟалоит:
- Ашьапылампылтә чымазара, мамзаргьы згәы бааԥсу ашьапылампыл
-
Ҭырқəтəылатәи инагоу ашьапылампылтə клубқəа деимаркуеит: Алҭаи Агрба иҭоурых
