АҞӘА, жьҭаара 14 – Sputnik, Сариа Кәарцхьиаԥҳа. Аԥшааҩцәеи аԥсшьарҭатә база "Апсны Adventure" арефтерцәеи анышьрчқәа рыла аӡы ихылеит ҳәа Sputnik иазеиҭеиҳәеит Аԥсны Аҭагылазаашьа ҷыдақәа рминистр ихаҭыԥуаҩ Саҭбеи Гындиа.
"Аԥсны АҶА аԥшааратә гәыԥ иахьа ашьыжь асааҭ фба рзы аҭыԥ ахь инеиит. Ара иҟан аԥсшьарҭатә база "Апсны Adventure" арефтерцәеи. Дара аӡы ихылеит анышьрчқәа ирықәтәаны атурист иԥшааразы", - еиҭеиҳәоит Гындиа.
Уаанӡа, жьҭаара 13 рзы Урыстәылатәи атурист Тимур Дзеидов аҳауаҟынтәи аверталиот ала иԥшаара иаҿуп аха макьаназы илҵшәадоуп ҳәа Sputnik иазеиҭеиҳәеит Аԥсны АҶА аминистр ихаҭыԥуаҩ Саҭбеи Гындиа.
Арыцҳара ҟалеит аԥсшьарҭатә базы "Апсны adventure" жәабаҟа киломметра инацәхыкны. АҶА аҷаԥшьарҭахь адырра ҟаҵан асааҭ 22.15 рзы. Дзеидов иҩызцәа ҩыџьа акыр рҽыршәеит ицхрааразы аха аӡлеира изазымиааиит, рхаҭақәагьы аарла рыԥсы еиқәхеит.
Аԥшааҩцәа ргәыԥ 15 километра рҟынӡа аӡы иаццеит аха ихабар рымбеит.
