АҞӘА, жьҭаара 17 - Sputnik. Британиа Дуи Евроеидгылеи атәыла аидгыла алҵразы (Brexit) аицәажәара рылдыршеит Евроеидгыла атәыла-лахәылацәа рсаммит аламҭалаз ҳәа иҩуеит Еврокомиссиа ахада Жан-Клод Иункер Twitter аҿы.
"Аҭахра аныҟоу, аиқәшаҳаҭрагьы алыршахоит. Иҳадаҳкылаз аиқәшаҳаҭра изызхәыцу, ииашоу еиқәшаҳаҭроуп. Сара асаммит иабжьызгоит аиқәшаҳаҭра адкылазарц", - ҳәа иҩуеит иара.
🇪🇺🤝🇬🇧 Where there is a will, there is a #deal - we have one! It’s a fair and balanced agreement for the EU and the UK and it is testament to our commitment to find solutions. I recommend that #EUCO endorses this deal. pic.twitter.com/7AfKyCZ6k9
— Jean-Claude Juncker (@JunckerEU) 17 октября 2019 г.
Иара иажәақәа рыла, Еврокомиссиа аиқәшаҳаҭра аднакылеит, Британиа Ду аԥыза-министр Борис Џьонсонгьы уи дшақәшаҳаҭу азы адырра ҟаиҵеит.
Џьонсон апарламент ахь ааԥхьара ҟаиҵеит адокумент рыдыркыларазы.
"Аиқәшаҳаҭра ҿыц Британиа аусқәа иара иаӡбо ишьақәнаргылоит. Уажәшьҭа, асабшазы апарламент Brexit аус еиҿнакаароуп закәаншьаҭала", - ҳәа иҩуеит Џьонсон Twitter аҿы.
Уаанӡа, Brexit азҵаара аӡбара ахьалымшаз азы атәыла аԥыза-министрс иҟаз Тереза Меи лнапынҵақәа ааныжьны дцар акәхеит.
Иара убас шәаԥхьар ҟалоит:
-
Тереза Меи ԥхьатәара дышцо азы аҳәамҭа ҟалҵеит
-
Борис Џьонсон Brexit азы Апарламент аусура ааникылеит акралԥҳәыс лақәшаҳаҭрала
