Хра злоу ахҭысқәа: Ҳалбад аҭаца леилаҳәашьа иазкны
"Аԥсуа чараҵәҟьа аҟны ажәла иреиҳабу ахацәа адибагалоит, ауацәа, аҭынхацәа. Сара исыздыруам, иҟалап исзеилымкаауазар, саҭамзааит, аха ҿыц иааргаз аҭаца лцәа-лжьы хтны хаарас иаҵоуи? Сара игәасҭахьеит ус еиԥш иҟоу аҭаца данааҩнаргалалак ахацәа ахьтәоу, лхы ладырҟәуа иалагеит аламыс змоу, иԥхашьо ауаа. Аҭаца лцәеижь ахтра ҳаргьы аҳәса шәаӡыӡарак, ԥхашьарак ҳныруа ҳҟанаҵоит. Ииашоуп, адунеи аҟны ауаа рҽеилаҳәашьа ҳбоит, аха досу иара дызлаҟоу ауп аинтерес зҵоу. Ҳаӷоу ибааит ауаа зегьы ԥшрала-сахьала еиԥшны. Амилаҭ аҟазшьа ҷыдара рымамзар, имилаҭны изыҟалом", - ҳәа азгәалҭеит Ҳалбад.
Шәазыӡырҩы аудио. Инеиҵыху анҵамҭа шәаҳар шәылшоит арадио Sputnik Аԥсны аефир аҟны.
