Аҳәааҿы  аҭаҭын аалыҵ мҩанызгоз амашьына аанкылоуп

© Foto / Пресс-служба сочинской таможниНа российско-абхазской границе изъяты партии контрабандных сигарет // Foto / Пресс-служба сочинской таможни
На российско-абхазской границе изъяты партии контрабандных сигарет // Foto / Пресс-служба сочинской таможни - Sputnik Аҧсны
Анапаҵаҩра
НовостиTelegram
Ауаҩы ихазы Аԥсныи Урыстәылеи рҳәаа иахигар ҟалоит 200 цыра асигарет ма 50 сигара (сигарилл), ма 250 грамм аҭаҭын.

АҞӘА, абҵара 1 – Sputnik. Аԥсныи Урыстәылеи рҳәааҿ иааныркылеит закәаншьаҭада аҳәаа аҭаҭын аалыҵ ахызгарц зҽазызшәоз, дара ирыдбалан 2000 ҭоԥ асигарет. Абир атәы аанацҳаит Шәачатәи аҳазалхыҩцәа рыпресс-маҵзура.

Жьҭаара 27 рзы акинологцәа иҭырҵааз автомашьына Volkswagen Polo аҿы ирбеит амаӡаҵәахырҭақәа ҭҭынла иҭәны. Зынӡа аҳазалхыҩцәа иаадырԥшит 99 блок асигаретқәа  акцизтә маркақәа рықәӡамкәа (990 пачка,  19800 цыра).

"Автомашьына аԥсҟы зкыз, џьаргьы аус зымуа Аԥсны атәылауаҩ иҳәеит атауар идырцәа рыҳәарала аҳәаа ишахигоз", - рҳәеит аҳазалхыҩцәа.

Уаанӡа, жьҭаара рзы иаанкылан Аԥснынтәи Урыстәылаҟа зхы хаз аҽа автомашьынак – ВАЗ2121. "Нива" аҿы акәзаргьы амаӡаҵәахырҭа ԥшаан. Уа ирбеит  77 блок асигарет акцизтә маркақәа рыда (770 пачка, 15400 цыра).

Аҭаҭын аалыҵ аекспертизахь инашьҭуп.

Ажәабжьқәа зегьы
0