Микрофон  - Sputnik Аҧсны
Арадио

Сақаниа инспекторс аусура иазкны: машәырк ҟалар, ухы иавубон

© Sputnik Оҭар Сақаниа
Оҭар Сақаниа - Sputnik Аҧсны
Анапаҵаҩра
Абҵара 10 Аԥсны амилициа иамшуп. Иахьатәи аамҭазы тәанчара иҟоу, аха акыр шықәса Аҟәа аҳәынҭавтоинспециаҿы инспекторс аус зуаз, Агәымшәаразы амедал занашьоу Оҭар Сақаниа арадио Sputnik Аԥсны аефир аҿы еиҭеиҳәеит ари азанааҭ иацу аҭакԥхықәра атәы.
Ҳазлацәажәаша ҳамоуп: Оҭар Сақаниа амилициаҿы аусура иазкны

"Усҟан ҳара ҳзанааҭ иаҳа пату ақәҵан иазныҟәон ҳаҷкәынцәа. Ҳара ҳажәлар ҳашраӷам еилыркаауазароуп. Амилициа ыҟан еснагь, аилибакаарагьы иаҳа иҟан. "Дазусҭада ари ахәыҷы, сышԥааникылеи!" ҳәа ишакәым ацәажәара иашам. Саргьы сааныркылоит, нас ишԥа уи ада? Аформа зшәу инаигӡозароуп иуалԥшьа. Амҩаҿы ишакәым схы мҩаԥызгазом, издыруеит ари аусура иацу аџьабаа атәы. Ари аструктура ада хныҟәгашьа ыҟаӡам, еиужьны амҩа зегьы ишырҭаху ианылар, аҭагылазаашьа акырӡа ибааԥсхоит. Иҟан аамҭақәа, уахгьы-ҽынгьы аус анаҳуаз, аҩныҟа ҳанзымцоз, аҽеиҭакраҵәҟьа аамҭа ҳамамызт. Уусура кажьны уцар, ушьҭахь аӡәы машәыр ихьыр, ухы иавубон", - ҳәа азгәеиҭеит Сақаниа.

Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.

Ажәабжьқәа зегьы
0