АҞӘА, абҵара 15 - Sputnik. Цхинвал имҩаԥысраны иҟоуп ООН, ОБСЕ, Евроеидгыла рҟынтәи Женеватәи аиҿцәажәарақәа реицхантәаҩцәеи Уаԥстәылатәи агани реиԥылара ҳәа аанацҳауеит Sputnik Южная Осетия аимакшьҭахьтә ҭышәныртәалара азҵаарақәа рзы атәыла ахада ихаҭарнак Мурат Џьиоев иажәақәа ҵаҵӷәыс иганы.
"ООН, ОБСЕ, Евроеидгыла рҟынтәи Женеватәи аиҿцәажәарақәа реицхантәаҩцәа Цхинвалҟа инеираны иҟоуп аиҿцәажәарақәа изаамҭанытәиу рраунд амшхәаԥштә азҵаара аицеилацәажәаразы", - иҳәоит аимак ашьҭахьтә ҭышәныртәалара азҵаарақәа рзы атәыла ахада ихаҭарнак Мурат Џьиоев.
Женеватәи аиҿцәажәарақәа Аԥсны жәларбжьаратәи аҩаӡараҟны аҿахәы аҳәар ахьалшо аиԥш зеиԥшу ҭыԥ ыҟам. Дара мҩаԥысуеит 2008 шықәса раахыс.
Аԥсны, Аахыҵ Уаԥстәыла, Қырҭтәыла, Урыстәыла, Еиду аштатқәа рхаҭарнакцәа ООН, ОБСЕ, ЕС реицхантәаҩрала имҩаԥган жьҭаара 8-9 рзы Женеватәи аиҿцәажәарақәа 49-тәи рраунд.
Изаамҭанытәиу араунд мҩаԥгахоит ԥхынҷкәын 10-11 рзы.
