АҞӘА, ԥхынҷкәын 4 – Sputnik. Урыстәылантәи Аԥсныҟа анаркотикатә маҭәашьар аиагара зыгәҭакыз ахаҵа дааныркылеит аушьҭырҭатә ҭыԥ "Адлер" аҿы ҳәа аанацҳауеит Аладатәи аҳазалхратә усбарҭа апресс-маҵзура.
Иаанкылаз "акоридор иаҵәала" дыбжьысуан, уиалагьы ишәарҭоу акгьы сымам ҳәа ихы дирбон. Аҳәаа захыгара ҟамло атауар имоу имаму агәаҭараан идбалан анаркотикатә маҭәашьар.
"Амаҭәашьар аекспертизахь инашьҭын. Ишьақәыргылан 0,577 грамм зыкапан ыҟоу анаркотикатә маҭәашьар – метадон ауп ҳәа", - абас аанацҳауеит апресс-маҵзура.
Иаанкылоу ахаҵа Шәача ақалақь аамҭалатәи аҭакырҭаҿ дыҟоуп. Иара хәышықәса инаркны жәашықәсанӡа ҭакрыла ахгара иқәырҵар ҟалоит, мамзаргьы миллион мааҭ аштраф иқәшәар алшоит.
Иара убас шәаԥхьар ҟалоит:
-
Шәача дааныркылеит Аԥснынтәи аӷьычҩы
-
Аԥсны анаркотикатә маҭәашьар алазырҵәоз Украина атәылауаа ҩыџьа ырбаандаҩуп
