РУСДРАМ атруппа артистцәа ҿыцқәа рыла ихаҭәааит

© Sputnik / Томас ТхайцукСпектакль "Кьоджинские перепалки" по одноименной комедии Карло Гольдони в РУСДРАМе
Спектакль Кьоджинские перепалки по одноименной комедии Карло Гольдони в РУСДРАМе - Sputnik Аҧсны
Анапаҵаҩра
Борис Шьчукин ихьӡ зху Атеатртә институт аушьҭымҭацәа Ирина Делԥҳаи Руслан Жьибеи РУСДРАМ атруппахь ирыдыркылеит ԥхынҷкәын 1 2019 шықәса рзы.

АҞӘА, ԥхынҷкәын 4 – Sputnik. Фазиль Искандер ихьӡ зху Аурыс драматә театр атруппа хаҭәаахеит Борис Шьчукин ихьӡ зху Атеатртә институт аушьҭымҭацәа Ирина Делԥҳаи Руслан Жьибеи рыла ҳәа арадио Sputnik иазеиҭеиҳәеит РУСДРАМ адиректор хада Иракли Хынҭәба.

"Абарҭ амшқәа рзы иҳадаҳкылеит актиорцәа Ирина Делԥҳаи Руслан Жьибеи. Дара Борис Шьчукин ихьӡ зху Атеатртә институт иаушьҭымҭацәоуп, аԥсуа курс аҿы аҵара рҵон. Уи аушьҭымҭацәа реиҳараҩык ҳтеатри Аԥсуа драматә театри рҿы аус руеит", - иҳәеит Хынҭәба.

Иара иажәақәа рыла, Ирина Делԥҳа Аԥсны аусурҭа лымамызт, акино аҿы лыҽҭылхуан, Аԥсны анҭыҵ аусура лҽазылшәон.

Милана Ломиаԥҳа - Sputnik Аҧсны
Милана Ломиаԥҳа: зегьы ирзеиӷьасшьоит атеатр агәыбылра

"Сара сгәанала, Ирина леиԥш аԥеиԥш змоу актриса лыԥсадгьыл аҿы аус луазароуп. Лара Аԥсны дшаангылоз анеилыскаа, илыдызгалеит ҳтеатр аҿы аусура далагарц. Уаанӡагьы "Кьоџьаа рҭыӡшәаҿы" дҳацықәгылахьан", - иҳәоит атеатр анапхгаҩы.

Руслан Жьиба иакәзар, РУСДРАМ аспектакльқәа хԥа дрылахәуп.

"Борис Шьчукин ихьӡ зху Атеатртә институт Аԥсны иҟоу аушьҭымҭацәа зегьы усурҭа ҭыԥла еиқәыршәоуп", - иҳәеит иара.

Уажәы РУСДРАМ аҿы аус руеит Борис Шьчукин ихьӡ зху Атеатртә институт аушьҭымҭацәа фҩык.

"Асезон ҿыц аҿы аԥхьарбарақәа фба мҩаԥаагараны ҳаҟоуп. Ашықәс ҿыц аламҭалаз идырбахоит ахәыҷтәы спектакль, нас – Клод Манье ипиеса иалху аспектакль "Оскар", - иҳәоит адиректор.

"Кьоџьаа рҭыӡшәа" РУСДРАМ асценаҟны>>

Ирина Делԥҳа РУСДРАМ алалара лыԥсҭазаараҿы ишьаҿа ҿыцны илшьоит.

"Ари сара сыԥсҭазаараҿы иҿыцӡоу даҟьоуп. Раԥхьа иргыланы иҭакԥхықәроуп. Даара сеигәырӷьоит сыԥсадгьыл аҿы ақәгылара ахьсылшо. Сыззыԥшу? Ароль хадақәа роуп", - лҳәоит лара.

Лара лҵара хлыркәшеит 2018 шықәса рзы, асериалқәа ҩба "Живая мина", "Вспышка" рҟны лыҽҭылхит.

Ԥхынҷкәын 6 рзы РУСДРАМ арт-фоие аҿы Ирина Делԥҳа алитературатә хәылԥазы мҩаԥылгоит, Викториа Токарева лырҿиамҭақәа дрыԥхьоит.

Иара убас шәаԥхьар ҟалоит:

Ажәабжьқәа зегьы
0