Салаҟаиаԥҳа: алашара аҟамзаара амаамынқәа рыԥсҭазаара ашәарҭара иҭанаргылоит
"Ахьшәашәрақәа шааҟалалак амаамынқәа зҭатәоу аклеткақәа рышьҭахь иҟоу аҩнхәыҷқәа рҿы иаразнак иаҿаркуеит аԥхарра, иара афымцалашара иадҳәалоуп. Алашара аныҟамла амаамынқәа, ҳәарада, ирныԥшуеит. Дара иаразнак ахьҭа иакуеит. Ҵыԥх лассы-лассы идырцәоз афымцалашара амаамынқәа ирзеицәахеит, ахьҭа злаланы иаҳцәыԥсызгьы ыҟоуп. Амаамынқәа ахьҭа рыламларц азы алаҵақәа ҳәа акгьы рзыҟаҳҵаӡом, избанзар дара аԥсабараҿы иҟоушәа иҳааӡоит. Ахьҭа злалаз ҳархылаԥшуеит, дара иаразнак хазы игоу ауадахь ииаҳгоит. Есҽны аҳақьымцәа иҭырҵаауеит ахәыҷқәеи ахшаара зоураны иҟоуи", - ҳәа еиҭалҳәеит Салаҟаиаԥҳа.
Инеиҵыху аиҿцәажәара иара убас шәазыӡырҩыр шәылшоит арадио Sputnik Аԥсны аефир аҿы.
