Аҟәа Ацәыргақәҵатә зал хадаҟны иахьа асааҭ 12 рзы иаатуеит Аԥсны Асахьаҭыхыҩцәа реидгыла 80 шықәса ахыҵра иазку ацәыргақәҵа. Уи аҭааҩцәа рзы иаартызаауеит мчыбжьык аҩнуҵҟа.
Ҳазлацәажәаша ҳамоуп: Џьениа аиубилеитә цәыргақәҵа иазкны
"Ажьырныҳәа 5 рзы Аԥсны Асахьаҭыхыҩцәа реидгыла 80 шықәса ахыҵит. Даара ирацәамзаргьы, ари аамҭа иалагӡаны амилаҭ культура аизырҳаразы иалшаз рацәоуп, абиԥарақәа еиҵагылеит. Аԥышәа еимдо, рҟазара ауаҩы игәы иахәаратәы иааиуеит асахьаҭыхыҩцәа, ҳаԥхьаҟагьы уи еизырҳаны ԥхьаҟа изгаша аҿар аҵагылап ҳәа ҳгәыӷуеит. Арҭ ашықәсқәа ирылагӡаны аус зуаз асахьаҭыхыҩцәа русумҭақәа иахьынӡалшо ацәыргақәҵа иалаҳархәуеит", - иҳәеит Џьениа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
