Арсалиаԥҳа Арцахтәи ансамбль ақәгыларазы: иҷыдоу апрограмма еиҿыркааит
"Жьҭаарамзазы Ареспублика Арцах Акультура аминистр напхгара зиҭоз аделегациа Аԥсны иҟан. Дареи хареи аиқәшаҳаҭра ҳабжьоуп акультуратә еимадарақәа рырӷәӷәареи рырҿиареи рзы. Иазгәаҭан сынтәатәи ашықәс иҭагӡаны аиԥылара, аконцерт мамзаргьы ацәыргақәҵа аиъкаара. Сынтәа иҳадыргалеит ашәаҳәареи акәашареи рколлектив Аԥсныҟа раара. Ари раԥхьатәи қәгылароуп. Ари даҽа милаҭк ркультура ауп, ҳахәаԥшцәа азҿлымҳара арҭап ҳәа агәаанагара сымоуп. Аконцерт апрограмма убас ишьақәыргылоуп, знык адагьы изымбац игәаҵанӡа инеиртә еиԥш, ҳахәаԥшцәа рзы иҷыдоу апрограмма еиҿыркааит", - лҳәеит Арсалиаԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
