Шәачатәи аҳазалхыҩцәа аԥснытәи автомашьынақәа ԥшьба ааныркылеит

© SputnikКПП Псоу
КПП Псоу  - Sputnik Аҧсны
Анапаҵаҩра
НовостиTelegram
Шәачатәи аҳазалхыҩцәа автомашьынақәа ралагалараан иԥаршеиз адокументқәа аадырԥшит.

АҞӘА, ԥхынҷкәын 11 - Sputnik. Шәачатәи аҳазалхыҩцәа аԥснытәи аномерқәа змаз автомашьынақәа ԥшьба ааныркылеит закәаншьаҭада Аԥснынтәи Урыстәылаҟа урҭ ралагалараан ҳәа аанацҳауеит Шәачатәи аҳазалхыҩцәа рпресс-маҵзура.

Автомашьынақәа "MERCEDES BENZ E320", "BMW-325", "TOYOTA CROWN MAJESTA", "MERCEDES BENZ" Урыстәылаҟа иаларгалон жәларбжьаратәи аиагарақәа рзы атранспорттә хархәагақәа раҳасаб ала.

Аҳазалхратә гәаҭараан иаарԥшын атранспортқәа ирыцыз адокументқәа шԥаршеиз.

Автомашьынақәа зтәыз аԥсуа фирмақәа рҿы аус руазшәа ашәҟәы иҭагалан, ирыман аџьатә еилаӡарашәҟәқәа, акомандировказы ашәҟәқәа, аныҟәаратә бӷьыц уҳәа егьырҭ ашәҟәқәагьы. Дара зегьы ԥаршеин. Иара убасгьы дара ирыҭан аҳәаа ахысразы амҳәыр ԥаршеиқәа зқәыз аҳазалхратә дырраҭарақәа.

Урыстәыла азакәанԥҵара инақәыршәаны, заанаҵ ирԥаршеиу адокументқәа рхархәара шьаустә цәгьоураны ирыԥхьаӡоит. Абри ахҭыс аганахьала аматериалқәа нашьҭуп Шәача ақалақь Адлер араион ААР аполициа рыҟәшахьы.

Иара убас шәаԥхьар ҟалоит:

Ажәабжьқәа зегьы
0