Лаҭатәи арыцҳара, ацәгьоуцәа раанкылара: Sputnik амчыбжь азтәи ахҳәаақәа

© Sputnik / Томас ТхайцукАвтоинспекторы начали утренние рейды сразу на четырех центральных улицах
Автоинспекторы начали утренние рейды сразу на четырех центральных улицах - Sputnik Аҧсны
Анапаҵаҩра
НовостиTelegram
Аинформациатә маҵзура Sputnik Аԥсны ишәыднагалоит еиҳа иналукааша амчыбжь ахҭысқәа.

Лаҭатәи арцҳара 27-шықәса ахыҵра, ауаҩшьразы ахара ихароуп ҳәа агәҩара ззыҟоу ишьҭазаара, Женеватәи аиҿцәажәарақәа 50-тәи рраунд уҳәәәа ирацәоуп амчыбжь злабеиаз ахҭысқәа.

Sputnik

Лаҭатәи арыцҳара

Амчыбжь анҵәамҭазы Аԥсны иазгәарҭон Лаҭатәи арыцҳара 27-шықәса ахыҵра. Асааҭ 9:00 рхы кын абри амш азтәи ауснагӡатә лахьеиқәрақәа. Ауснагӡатәқәа мҩаԥган Тҟәарчал араион Аҟәарчаԥан ақыҭан, Сергеи Дбар ихьӡ зху Аџьынџьтәылатә еибашьра амузеи аҟны Гәдоуҭа.

Геннадий Цулая - Sputnik Аҧсны
Арадио
Цулаиа: Лаҭа иҟалаз адунеи зегьы азы иштрагедиоу рбартә иҟаҵатәуп

Ԥхынҷкәын 14 1992 шықәса рзы Лаҭа ақыҭан иҭархан амацәазиҭакыз Тҟәарчалынтә ахҵәаәца алган Гәдоуҭаҟа иаазгоз аверталиот. Иҭахеит 87-ҩык аҳәсеи ахәыҷқәеи, абыргцәеи. Абри амш аибашьра еиҳа ихлымӡааху мшны иазгәарҭоит Аԥсны ахы-аҵыхәа.

Ацәгьоуҩы иԥшаара

Ԥхынҷкәын 9 рзы Аҟәа ақалақь апрокуратура иԥшаара иалагеит аресторан "Сан-Ремо" аҟны ауаҩшьра ҟаиҵеит ҳәа агәҩара зызрымоу ахаҿы –Ҷкадуа Ерик Иури-иԥа.

"Аҟәатәи аҩнуҵҟатәи аусқәа русбарҭа Ашьаусԥшааратә ҟәша ахатәы еилазаара иаҿуп Ҷкадуа Ерик Иури-иԥа дахьыҟоу аҭыԥи уи иаанкылареи ирзырхоу аоператив-ԥшааратә усмҩаԥгатәқәа", - ҳәа аанацҳауит адырраҭара.

Ҷкадуа иԥшаара рыларҳәеит ахәҭаҷқәа "Ҩыџьа ма инареиҳаны рышьра", "Ашьразы аҽазышәара", "Абџьар, уи ахәҭа хадақәа, аџьаԥҳаны, иԥжәо амаҭәашьарқәа, иԥжәоу ахархәагақәа изакәанымкәа раахәареи, аӡәы иҭареи, рыҭиреи, рыҵәахреи, рыиагареи, рныҟәгареи" рыла ихацырку ашьаус ала гәҩарас ирымоу иаҳасабала.

Стрельба напротив ресторана Сан-Ремо - Sputnik Аҧсны
Аҟәа иҟалаз ахысра: иалкаау

Амҳаџьыраа рыԥшаҳәаҿы абҵара 22 асааҭ 14:40 рзы аиҿахысра ҟалеит. Ақьафурҭа "Сан-Ремо" аҿаԥхьа аҭыԥ змаз аиҿахысраан иҭахеит ҩыџьа ауааԥсыра. Асҭамыр Шамба аҭыԥ аҟны иԥсҭазаара далҵит, Алхас Аҩӡба - ахәышәтәырҭаҟны даннаргаз. Даҽа ҩыџьа ахәрақәа роуит.

Ақьафурҭа "Сан-Ремо" ахәынаҳаҩ Доминика Ақырҭааԥҳа лхы ахәра ӷәӷәа аиуит, уи диаган Ареспубликатә хәышәтәырҭа хада анеирохирургиа аҟәшахьы, ԥхынҷкәын 3 рзы лара лыԥсҭазаара далҵит.

Апрокурор хада ҿыц

Аԥсны Жәлар Реизара - Апарламент адепутатцәа маӡатәи абжьыҭирала Аԥсны ахада Рауль Ҳаџьымба Аԥсны Жәлар Реизарахь Аԥсны Апрокурор хадас иҟаларазы ԥхынҷкәын 5 рзы инаишьҭыз Адгәыр Агрба икандидатура адгылара арҭеит ԥхынҷкәын 12 рзы имҩаԥысуаз аилатәараҟны. Агрба икандидатура адгылара арҭеит 25-ҩык адепутатцәа, иаҿагылеит - 6-ҩык.

Абри аҭыԥ аҿы Адгәыр Агрба диԥсахит Зураб Ачба. Зураб Ачба имаҵураҟынтә ихы дақәиҭтәын ԥхынҷкәын 2 рзы.

Адгәыр Агрба  - Sputnik Аҧсны
Адгәыр Агрба Аԥсны Апрокурор хадас иҟалара иадгылеит Апарламент адепутатцәа

Адгәыр Агрба диит ажьырныҳәа 15, 1981 шықәса рзы. 2005 шықәса рзы ААУ, аҭоурых-зиндырратә факультет далгеит. 2002 шықәса раахыс азинхьчаратә усбарҭақәа рҿы аус иуеит. Ԥхынҷкәын 8, 2015 шықәса раахыс иара арратә прокурорс дыҟоуп.

2014 шықәса раахыс Адгәыр Агырба аԥшьбатәи кандидатуп прокурор хадас иҟазааразы.

Апрокурор хада имаҵура даханаргылар, ма дамнахыр алшоит Аԥсны Жәлар Реизара - Апарламент ахада иҟаиҵо ажәалагала инақәыршәаны.

Уи акандидатура иахәҭоу абжьқәа рхыԥхьаӡара имоур, ахада аусурамшқәа 30 рыҩнуҵҟа даҽа кандидатурак рыдигалароуп.

Уаанӡатәи атәыла ахадас акандидат даанкылоуп

Аҟәатәи ақалақьтә ӡбарҭа ԥхынҷкәын 9 рзы имҩаԥнагаз аилатәараҿ аӡбара аднакылеит Артур Анқәаб ҩымз ҳәа ҿҳәарас иҭаны даанкылазарц. Иаанкылара ҵаҵӷәыс иазыҟоуп Артур Григориан иӷьычра.

Армен Григориан абҵара 24 рзы аԥсыжырҭа "Лечкоп" араион аҿы идырым џьоукы дырӷьычит. Иара дрыԥшааит ԥхынҷкәын 1 азы Гәдоуҭа араион аҿы.

Ахарадҵаратә ган азыҳәа ҟанаҵеит Анқәаб ҩымз ҳәа ҿҳәарас иҭаҵаны даанкылазарц, избанзар ашаҳаҭцәеи аусӡбара алахәылацәеи анырра риҭар алшоит ма дыбналар ҟалоит ҳәа иӡбаны.

Артур Анқәаб даанкылоуп Армен Григориан иӷьычра далаҟьашьуп ҳәа гәҩарас дҟаҵаны - Sputnik Аҧсны
Артур Анқәаб даанкылоуп Армен Григориан иӷьычра далаҟьашьуп ҳәа гәҩарас дҟаҵаны

Анқәаб идукат уи дақәшаҳаҭымхеит. Иара аҳәара ҟаиҵеит иихьчо ахаҿы аҩнытә рбаандаҩра идгалазарц. Иажәақәа ҵаҵӷәыс иаиҭеит Артур Анқәаб игәамбзиареи ихымхәареи. Аӡбаҩцәа арҭ амзызқәа азымхоны ирыԥхьаӡеит, аӡбарагь рыдыркылеит ажьырныҳәа 29, 2020 шықәсанӡа даанкылазарц.

Женеватәи аиҿцәажәарақәа риубилеитә раунд

Аԥсны Аҳәынҭқарра Адәныҟатәи аусқәа рминистр Даур Ақаҩба зхадараҿы дыҟоу Аԥсны Аҳәынҭқарра аделегациа иалахәын Аԥсны Аҳәынҭқарра Адәныҟатәи аусқәа рминистр ихаҭыԥуаҩ Иракли Ҭыжәба, Аԥсны Аҳәынҭқарра Адәныҟатәи аусқәа рминистрра аусзуҩцәа Лаша Аҩӡбеи Артур Гагәылиеи.

Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа ииубилеитәу, 50-тәи рраунд Аԥсны, Аахыҵ Уаԥстәыла, Қырҭтәыла, Урыстәыла, ЕАА рхаҭарнакцәа алархәны, ЕАР, ЕААшәХ, ЕА реицхантәаҩрала имҩаԥысит ԥхынҷкәын 11 рзы.

Женеватәи аиҿцәажәарақәа рҿы амч ахамырхәара азҵаара алацәажәара еиҭах мап ацәкуп - Sputnik Аҧсны
Женеватәи аиҿцәажәарақәа рҿы амч ахамырхәара азҵаара алацәажәара еиҭах мап ацәкуп

Аицхантәаҩцәа агәҭынчымра рызцәырнагеит Аахыҵ Уаԥстәылеи Қырҭтәылеи рҳәааҟны аҭыԥ змоу аибарххарақәеи амшхәаԥштә азҵаарақәа жәпакы рганахьала аганқәа рпозициақәа реизааигәахара алмыршареи. Изаамҭанытәиу араунд асессиа аартуа, дара алахәылацәа зегь рахь ааԥхьара ҟарҵеит иҟоу апроблемақәа рыӡбразы аконструктивтә знеишьа аадырԥшырц.

Убри аан аицхантәаҩцәа рықәгыларақәа раан азааҭгылара азыруит Аԥсны, Гал араион аҿы аҭагылазаашьа шҭынчу, аҭышәынтәалара шамоу. Уи адагьы иазгәаҭан Гал араион ауааԥсыра адокументқәа роура иадҳәалоу азҵаарақәа жәпакы рыӡбраҿы апозитивтә динамика аҭыԥ шамоу.

Аԥсуа ган аҽазныкгьы ишьақәнарӷәӷәеит амшхәаԥштә азҵаарақәа зегьы рганахьала ишазыхиоу аусура амҩаԥгара. Убри аан иҟанаҵеит иара агәанала урҭ рыӡбаразы хра змоу ҳәа иԥхьаӡоу ажәадгалақәа.

Урыстәыла, Аԥсны, Аахыҵ Уаԥстәыла рделегациақәа ажәалагала ҟарҵеит амч ахамырхәаразы жәларбжьаратәи ахәдықәҵарақәа рзы адокумент аус аицадулареи аицеиқәшаҳаҭреи хықәкы хаданы иԥхьаӡахарц.

Изаамҭанытәиу Женеватәи аиҿцәажәарақәа азыԥхьагәаҭоуп 2020 шықәса хәажәкыра 31 рзы.

Аиубилеитә цәыргақәҵа

Аԥсны Асахьаҭыхыҩцәа реидгыла 80 шықәса ахыҵра иазку ацәыргақәҵа аус ауеит ԥхынҷкәын 19 рҟынӡа. Ацәыргақәҵа еиҿнакааит Аԥсны Акультура аминистрра.

Раԥхьаӡа акәны аԥсуа сахьаҭыхыҩцәа рцәыргақәҵа еиҿкаан 1940 шықәса рзы.

1992-1993 шықәсқәа рызтәи Аԥсны жәлар Рџьынџьтәылатә еибашьра ашьҭахьтәи аамҭа уадаҩқәа раангьы аԥсуа сахьаҭыхыҩцәа рус иаҿын, Шәача, Краснодар, Ростов-на-Дону, Саратов, Санкт-Петербург, Москва, Нхыҵ Кавказ ареспубликақәа рҿы ацәыргақәҵақәа ирылахәын.

Аспорттә еихьӡарақәа

Урыстәыла, Аԥсны, Финлиандиа, Израиль, Белоруссиа рҟынтәи 2000-ҩык рҟынӡа аспортсменцәа злахәыз тхеквондо азы Иаарту урыстәылазегьтәи атурнир "Московский вызов 2019" мҩаԥысит ԥхынҷкәын 7 - 8 рзы ЦСКА аспорттә комплекс аҟны.

Гагратәи атхеквондистцәа быжь-медалк ргеит абри атурнир аҿы.

Дара спарринги тули захьӡу ҩ-программак рҟны иқәгылеит. Актәи апрограммаҿ "ахьы" роуит Инал Смыр, Вероника Чакриан, Леонард Кериан, "араӡны" - Полина Ҷыҭанааԥҳа. Аҩбатәи апрограммаҿы – Гьаргь Ҷыҭанаа "араӡны" медал иоуит, Вероника Чакриан – "аџьаз", Леонард Кериан – "аџьаз".

Аԥснынтәи зынӡа хәҩык аспортсменцәа ыҟан. Иреиҵбыз 10 шықәса ихыҵуан, иреиҳабыз – 15 шықәса.

Харитон Агрба - Sputnik Аҧсны
Харитон Агрба Урыстәыла ачемпионат афиналбжахь днеиит

Абокс азы Урыстәыла ачемпионат мҩаԥысит абҵара 12 - 16 рзы, Самара.

69 кьыла иҟоу ркатегориа иаҵанакуа реиндаҭлараан Харитон акәаталақәа рыла аиааира игеит. Иара диндаҭлон Белгородтәи аобласт аҟынтәи абоксиор Сергеи Собылински. Харитон афиналбжахь днеиит.

Ачемпионат аҿы аиааира зго Лондонҟа, Европатәи ахәмаррақәа рахь ицоит. Уа иаиааиз 2020 шықәсазы Токио имҩаԥысраны иҟо Аолимпиатә хәмаррақәа ирылахәхоит.

Харитон Агрба – Урыстәыла еизго амилаҭтә команда далахәылоуп. Минск имҩаԥысуазЕвропатәи ахәмаррақәа рҿы аҩбатәи аҭыԥ никылеит.

Таитәи абокс азы XIII Иаарту урыстәылазегьтәи атурнир "Кубок Содружества - 2019" мҩаԥысуан Нижни Новгород ԥхынҷкәын 10 - 13 рзы.

Аԥснытәи абоксиорцәа Нижни Новгород имҩаԥысуаз таитәи абокс азы XIII Иаарту урыстәылазегьтәи атурнир "Кубок Содружества - 2019" аҿы рхы шьахәны иаадырԥшит.

Ԥхынҷкәын 12 рзы имҩаԥысыз аиндаҭлараан аԥснытәи абоксиор Леон Амҷба Нижни Новгород имҩаԥысуаз таитәи абокс азы XIII Иаарту урыстәылазегьтәи атурнир "Кубок Содружества - 2019" афинал ахь днеит.

Атурнир иалахәуп 500-ҩык аспортсменцәа Урыстәыла арегионқәеи Аԥсны Аҳәынҭқарреи рҟынтәи.

Ажәабжьқәа зегьы
0