АҞӘА, ԥхынҷкәын 18 – Sputnik, Асмаҭ Ҵәыџьԥҳа. Урыстәылеи ИАР атәылақәеи рҟны каратэ шотокан азы ачемпионат "9th Christmas world cup" аҟны Аԥснытәи акаратист Арсени Ахиба "аразни" "ахьи" игеит ҳәа Sputnik иазааицҳаит аспортсмен иаб Инал Ахиба.
Быжьшықәса зхыҵуа Арсени 6-7 шықәса зхыҵуа рыгәҭа дықәгылон. Актәи аҭыԥ азы еиндаҭлон 20-ҩык акаратистцәа. Зынӡа ачемпионат иалахәын 2 000-ҩык аспортсменцәа 15 тәыла рҟынтәи.
"Сынтәазы ари хыркәшаратә чемпионатуп. Азыҟаҵаҩцәа иреиӷьӡақәаз алыркаауан. Арсени актәии аҩбатәии аҭыԥқәа никылеит", - иҳәоит аб.
Арсени Ахиба хышықәсоуп карате далахәижьҭеи. Иигаз "ахьы" раԥхьатәиуп иара изы.
Иара убас шәаԥхьар ҟалоит:
- Аԥснытәи акаратистцәа Урыстәыла ахраҿаз аиндаҭлараҿы ахьтәы медалқәа ранашьахеит
