АҞӘА, ԥхынҷкәын 24 – Sputnik. Аԥсны аҭагылазаашьа ҷыдақәа рминистрра Facebook аҟны адырра ҟанаҵеит амцакра ҭыԥ ҿыцқәа шаарԥшу.
"Иахантәарак Аԥсны АҶА аусзуҩцәа аҭагылазаашьа ахылаԥшра арҭон Гагреи Очамчыреи араионқәа рҿы. Амцакра ҿыцқәа хәыҵҟьеит егьырҭ аҭыԥқәа рыҿгьы", - азгәаҭоуп адырраҭараҿы.
Гәдоуҭа араион Отҳара ақыҭан 3000 метр ԥшьыркца ачықьқәа амца ркуп.
"Амца ауааԥсыра рынхарҭақәа ашәарҭара иҭанаргылеит, аха АҶА аусзуҩцәа иара ирласны аанкылара рылшеит", - азгәаҭоуп адырраҭараҿы.
Амцакрақәа ирхыҵхырҭа хаданы иҟоу ауаҩытәыҩсатә фактор ауп ҳәа иршьоит АҶА аҟны.
Иара убас шәаԥхьар ҟалоит:
- Аԥсны АҶА аҟны еиҭарҳәеит Акаԥа ақыҭан иҟоу амцакра аҭагылазаашьа
-
Напышьашәала идырцәоит: Аҟәа араион аҿы еиҭах абна амца акуп
