Адунеизегьтәти аԥсуа-абаза конгрес Мраҭашәаратәи Европаҟа русутә ныҟәара мҩаԥсыуан ԥхынҷкәын 6 инаркны 16-нӡа. Аконгрес арегионалтә ҟәшақәа аартхеит Британиа ду, Германиа, Нидерланды, Бельгиа. Иахьазы адунеи аҿы Аԥсуа-абаза конгресс арегионалтә ҟәшақәа 11 аартуп.
"27 шықәса ҵуеит Германиа аус ауеижьҭеи Аԥсуа культуратә хеидкыла, уи напхгара азиуеит Сезаи Чкок, еиднакылоит шәҩык инареиҳаны Бавариа инхо аԥсуа-абаза диаспора ахаҭарнакцәа. АААК Иреиҳаӡоу ахеилак ахантәаҩы Мусса Егзагь инапынҵала уаҟагьы иаартын арегионалтә ҟәша. Уи анапхгаҩыс дҟалеит 40 шықәса инареиҳаны Германиа инхо Таифун Ԥачлиа. Егьырҭ акультуратә хеидкыла алахәцәа активла иалалеит иаартыз Аконгресс аҟәша. Исҳәар сҭахуп ҳажәлар рхаҭарнакцәа ҳаԥсадгьыл иадҳәалоу аиԥыларақәа гәхьааганы ишыҟоу, ицәажәацыԥхьаӡа иаҳа ргәы аатуан, Аконгресс аидеиақәа рныруан. Сгәаанагарала зегь раасҭа ргәы зырԥшааз аԥсышәала ацәажәароуп, реиҳараӡаҩык аԥсшәа рыздырӡом… Иаҳа еиӷьны ҳаилибакаарц азы иаҳзеиԥшу абызшәала ҳцәажәар ахәҭоуп, убри аҟынтәи ахшыҩҵак ыҟоуп проектк аҳасабала Германиа аԥсуа-абаза бызшәа акурсқәа раартра", - лҳәеит Лазԥҳа.
Лазԥҳа иазгәалҭеит, Германиа аиԥылара иалҵшәаны уи иалахәыз еицҿакны ишырыӡбаз уаҟа инхо аԥсуа-абаза диаспора ахаҭарнакцәа зегьы реиԥылара иааиуа ашықәс азы ныҳәаны амҩаԥгара.
Иара убас шәаԥхьар ҟалоит:
- Мусса Егзакь: сыгхақәеи сеихьӡарақәеи срылҵшәоуп
-
Аламиа аԥсуа- абаза жәлар рконгресс иазкны: ҳбызшәа шеиқәҳархаша ҳазааҭгылоит
