Руслан Ҭырқьба Аԥсны апрокурор хада ихаҭыԥуаҩыс дҟаҵоуп

© SputnikРуслан Тыркба
Руслан Тыркба - Sputnik Аҧсны
Анапаҵаҩра
НовостиTelegram
2019 шықәса рзы Аԥсны Апарламент аҵыхәтәантәи аилатәара мҩаԥысуеит ԥхынҷкәын 26 рзы.

АҞӘА, ԥхынҷкәын 26 - Sputnik. Аԥсны Жәлар реизара-Апарламент адепутатцәа рыбжьы рҭиит Руслан Ҭырқьба Аԥсны апрокурор хада ихаҭыԥуаҩыс иҟаларазы.

Руслан Ҭырқьба икандидатура адепутатцәа ирыдигалеит апрокурор хада Адгәыр Агрба.

Адепутат Валери Агрба иазгәеиҭеит Руслан Ҭырқьба имоу аԥышәа.

Маӡалатәи абжьыҭирала Руслан Ҭырқьба изы рыбжьы рҭиит аилатәара иалахәыз 31-ҩык адепутатцәа. Аӡбра еицҿакрыла ирыдкылан.

Руслан Ҭырқьба диит рашәара 12 1980 шықәса рзы Гәдоуҭа. 1998 шықәса рзы далгеит Приморсктәи абжьаратә школ. №1. Санкт-Петербургтәи ауниверситет доушьҭымҭоуп.

Апрокуратуратә усбарҭақәа рҟны аус иуеит 2004 шықәса раахыс: Арратә прокуратура аусҭҵааҩ, нас Апрокуратура хада аҵак ҷыда змоу аусқәа рзы аусҭҵааҩ еиҳабы ҳәа.

2015 ш. рзы – Аҟәа ақалақь апрокурор ихаҭыԥуаҩ.

2016 ш. рзы – Аҟәа ақалақь апрокурор.

Ажәабжьқәа зегьы
0