АҞӘА, ԥхынҷкәын 31– Sputnik. Агазмҩангага "Северный поток-2" аргылара апроект ЕАА асанкциақәа иааныркылом. Абас азгәарҭеит аҭыжьымҭа Forbes аналитикцәа ҳәа аанацҳауеит РИА Новости.
Аекспертцәа ргәаанаграла Вашингтон аԥкырақәа шықәсык аԥхьа иаланагалахьазар акәын. Иагхеит.
"Асанкциақәа мчыдоуп, раамҭагьы цахьеит", - аҳәоит астатиаҿы.
ЕАА ахада Иусбарҭа аусзуҩ аинформациа-аналитикатә маҵзура Блумберг аинтервиу аҭо иҳәеит агазмҩангага аргылара хыркәшахарц акгьы агым, убри инадҳәаланы асанкциақәа ԥырхага дук арҭом ҳәа.
ЕАА асанкциақәа ирхырҟьаны швеицариатәи аилахәыра Allseas, агазмҩангага трубақәа рышьҭаҵара мҩаԥызгоз, аусурақәа хнаркәшар акәхеит.
Урыстәыла аенергетика аминистр Александр Новак аҳәамҭа ҟаиҵеит агазмҩангага аргылара 2020 шықәсазы ихыркәшахоит ҳәа.
