АҞӘА, ажьырныҳәа 17– Sputnik. Адыгеиск ақалақь ааигәара ииасуа амҩаду М-4 "Дон" аҟны ихылаз анаҟә иахҟьаны амҩатә машәыр ҟалеит ҳәа аанацҳауеит Адыгеиа Аҩнуҵҟатәи аусқәа рминистрра апресс-маҵзура.
Уажәтәи аамҭазы еилкаауп ҩыџьа ауаа шҭахаз, даҽа хәҩык еиуеиԥшым аахақәа шроуз. Адыгеиа Аҩнуҵҟатәи аусқәа рминистрра апресс-маҵзура иҭнахыз акадрқәа рҟны иубоит автомашьынақәа ааха ӷәӷәа шрымоу.
"Заанаҵтәи адыррақәа рыла, амҩатә машәыр зыхҟьаз анаҟәи аҵааи роуп. Аполициаа амашьына аԥсҟы зку рахь ааԥхьара ҟарҵоит агәҽанызаара аадырԥшларц", - ҳәа аҳәоит апресс-маҵзура адырраҭараҟны.
Аҭыԥ аҟны амашьынақәа рныҟәара уадаҩуп. Амаҵзурақәа русуреинырра мҩаԥигоит ареспублика ААР ахада Владимир Алаи.
Иара убас шәаԥхьар ҟалоит:
-
30 шықәса рыҩнуҵҟа Аԥсны иҟалаз амҩатә машәырқәа рыстатистика ааргеит
