АҞӘА, ажьырныҳәа 24– Sputnik. Владимир Высоцки иашәа "Палач" анапылаҩыра 700 000 мааҭ ҳәа иҭиуп. Аҭира мҩаԥнагеит аукционтә ҩны "Литфонд" ҳәа аанацҳауеит РИА Новости.
Ашәа "Палач" анапылаҩыра ариашарақәа рацәаны иалагалан аханатә. Ахәшьаратә хәыԥса 500 000 мааҭ ыҟан.
"Анапҩымҭа ариашарақәа жәпакы алагалоуп, уи атексти аҵыхәтәантәи атексти акыр еивыгоуп. Иаҳҳәап, ацәаҳәа "Я в тот момент был весь кровав, взъярен и страшен..." аҵыхәтәантәи авариант аҿы иҟаӡам. Уи адагьы, анапылаҩыраҿы агәҭаны иану ацәаҳәа "Когда я об стену разбил лицо и члены..." аҵыхәтәантәи авариант аҿы иаԥхьатәиуп", - аҳәоит алот адгаламҭаҿы.
Иара убас шәаԥхьар ҟалоит:
-
Адунеиаҿ еицырдыруа ауаа – Пицунда асасцәа
-
Лашәриа Владимир Высоцки изы: инырра Москва шьаҿацыԥҳьаӡа иуԥылон
-
Ҷыҭанаа: аҵх арҿиаразы даара иманшәалоу аамҭоуп
