АҞӘА, ажьырныҳәа 27 - Sputnik. Associated Press иакьыԥхьит ЕАА ахада Дональд Трамп Урыстәылеи Украинеи реиҿагылара дшахцәажәо.
Аҭыжьымҭа адыррақәа рыла, аицәажәара иалахәын абизнесменцәа Лев Парнаси Игор Фрумани. Америкатәи АИХқәа арҭ аҩыџьеи Трамп идукат Рудольф Џьулиании еидҳәалоуп ҳәа ирыԥхьаӡоит.
Америка ахада дҵаауеит Украина ЕАА адгылара ада заҟа аамҭа Урыстәыла изаҿагыларызеи ҳәа иара убасгьы аҳәара ҟаиҵоит Киев Америка Ацҳаражәҳәаҩыс иҟаз Мари Иованович ламхразы.
Уи адагьы, Associated Press ишаҳәо ала анҵамҭа Трамп Парнаси Фурмани сыздырам ҳәа ииҳәо ҿаԥнаҽуеит.
Мари Иованович лакәзар, Трамп иимпичмент аус аҟны дшаҳаҭуп. Лара лмаҵзура дамхын 2019 шықәса лаҵарамзазы, ахада уаҳа лыгәра ахьимгоз азы. Абри ашьҭахь Иованович лҿахәы лҭиит ЕАА ахада идукат Рудольф Џьулиани Трамп инапынҵала лмаҵура ламхразы акампаниа еиҿикааит ҳәа.
Иара убас шәаԥхьар ҟалоит:
-
ЕАА Урыстәыла аганахьала асанкциақәа дырҭбааит
