АҞӘА, ажьырныҳәа 27 – Sputnik, Сариа Кәарцхьиаԥҳа. Аԥсуа спортсмен Инал Гаделиа ахԥатәи аҭыԥ ааникылеит зыкапан 100 кьылак иҟоу рыбжьара азинхьчаратә усбарҭақәа рыбжьара самбо азы Урыстәыла ачемпионат "Динамо" аҟны ҳәа ҳзеиҭеиҳәеит аспортсмен иазыҟаҵаҩ Андреи Погосов.
"Сынтәатәи атурнир самбо азы Урыстәыла иреиӷьӡақәоу еизнагеит. Абас иреиӷьӡақәаз ахьыҟаз Инал Гаделиа ахԥатәи аҭыԥ игеит", – иҳәеит иара.
Иара убасгьы ачемпионат далахәын Саид Адлеибагьы. Иара х-қәгыларак рҿы аиааира шигазгьы, афиналбжахь анеираан даҵахеит.
"Саид қәгыларак аҟны аиааира агара илымшеит аԥыжәаратә ҭыԥ аиуразы. Ус шакәугьы, ихы бзианы иааирԥшит", - иҳәеит Погосов.
Азинхьчаратә усбарҭақәа рыбжьара самбо азы Урыстәыла ачемпионат "Динамо" мҩаԥысуан Санкт-Петербург, ажьырныҳәа 20 - 25 рзы. Иара иалахәын аԥснытәи аспортсменцәа ҩыџьа.
Иара убас шәаԥхьар ҟалоит:
-
Аԥснытәи аспортсмен самбо азы атурнир аҿы ахԥатәи аҭыԥ игеит
